Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Klubin Dinamo e ka marrë Ergys Agasi, kërkoj urgjent hetim ndërkombëtar

Politiko 25 Mars 2026, 13:06

Berisha: Klubin Dinamo e ka marrë Ergys Agasi, kërkoj urgjent hetim

Kreu i PD, Sali Berisha ka deklaruar se Klubin e futbollit Dinamo e ka marrë Ergys Agasi, i cili konsiderohet si eminenca gri e kryeministrit Edi Rama, një figurë misterioze që vepron larg kamerave, por me dorën mbi butonat e pushtetit dhe miliardat që rrjedhin nga fondet publike.

Në një konferencë me mediat, Berisha i ka bërë thirrje federatës ndërkombëtare të futbollit të ndërmarrë një hetim urgjent ndërkombëtar lidhur me këtë rast. 

Berisha: Çështja tjetër që dua të sjell këtu është çështja e klubit Dinamo.
Klubi Dinamo, pasi i morën 75 mijë metër katrorë tokë, ia plaçkitën, e transferuan në Durrës për Ergys Agasi City.
Klubin Dinamo e kishte më parë një Paskuçi, në mos gaboj unë, është një tregtar i vjetër kafeje.
Këtij, në mënyrat që i dinë vetë këta, e detyruan të shesë aksionet.
Po kush janë blerësit e aksioneve?
Ergys Agasi dhe Soto Jr.

Berisha: Klubin Dinamo e ka marrë Ergys Agasi, kërkoj urgjent hetim
Por, de facto është Ergys Agasi dhe pas saj vjen Agasi Manchester City.
Pas kësaj vjen Agasi Akademia e Futbollit.
Pra, shikoni se si kreu i Meduzës, se si kreu i organizatës kriminale, akaparoi dy klubet e mëdha sportive të vendit.
Me Olsin, klubin Partizani që lajnë paratë nga mëngjesi në darkë.
Me Gysin, klubin Dinamo. Manchester City.
I bëj thirrje federatës ndërkombëtare të futbollit të ndërmarrë një hetim urgjent ndërkombëtar për çmontimin e këtyre strukturave sipermafioze që kanë pushtuar dy klubet prestigjioze me histori të pamohueshme në futbollin shqiptar dhe që përdoren në funksion të interesave strikt mafioze të familjes Rama.
Të familjes së Edi Ramës.
Këtu janë të gjitha dokumentet e këtyre transaksioneve dhe veprimeve. Në çdo hap shkelje ligjore dhe mafioze për të cilat sigurisht do paraqiten para organeve të drejtësisë, por hetimi ndërkombëtar është i domosdoshëm.
Klubi Dinamo është një pasuri e madhe, dhe klubi Partizani janë në vetvete pasuri kombëtare, shfrytëzohen nga Olsi dhe Agasi.
Rastësi është kjo që familja Rama ka shtënë në dorë të dy klubet?
Jo!
Aty lahen paratë e drogës në të dyja.
Aty janë kthetrat e mafies mbi bastet sportive dhe bastet e tjera.
Dënoj këtë veprimtari kriminale të familjes Rama dhe tentakulave të saj.

 

Dokumenta bashkëngjitur

Të fundit