Flash News

Ditari i Opozitës

Berisha: LaCivita është kryestrategu i fushatës elektorale të fitores së PD dhe Aleancës për Shqipërinë Madhështore

Berisha: LaCivita është kryestrategu i fushatës elektorale

Kreu i demokratëve Sali Berisha deklaroi se Chris LaCivita është kryestrategu i fushatës së PD në zgjedhjet parlamentare të 11 majit.

Ai tha nga selia blu se LaCivita është një faktor botëror elektoral, duke risjellë në vëmendje fitoren e suksesshme që i solli Donald Trump.

Berisha: Tani, Chris LaCivita është kryestrategu i fushatës elektorale të fitores së PD dhe Aleancës për Shqipërinë Madhështore. Chris LaCivita është faktikisht faktor botëror elektoral. Kjo nuk mund të mohohet.

Ju e keni parasysh se si ky njeri arriti të mbikalojë një Everest të një propagande të shfrenuar, të pandalshme mashtrimesh, censurash kundër presidentit Trump. Se si kjo fushatë arriti të dominojë mbi miliardë euro polle për të mashtruar qytetarët. Po rikujtoj këtu vetëm njërën që mbahej si më seriozja.

Anë Selcer ishte një profesoreshë në Idaho dhe publikon pollin 4 ditë para zgjedhjesh në Idaho, një shtet republikan, se aty Donald Trump ishte 13 pikë pas Kamala Harris.

Çfarë doli? Doli se ajo kishte vendosur pikërisht pikët e Donald Trump te Kamala Harris sepse zgjedhjet treguan saktësisht se Donald Trump në Idaho ishte 13 pikë përpara.

Pra, ky është Chris LaCivita.

Natyrisht kur grushtat u përplasën në tavolinë i shkallmuar, kjo erdhi fill pas lajmeve që u dhanë në hotel Rogner ku u tha se ai është një kukull e George Soros.

 

Të fundit