Flash News

Familja me 5 anëtarë bllokohet në malin e Tomorit nga moti i keq, ndërhyn policia

Bora bllokon rrugën e Arbrit, situatë problematike edhe në Qafën e Ulzës

Moti i keq bllokon rrugët në Shqipëri, policia: Ja akset problematike

I kërkuar për ekstradim në Itali, arrestohet kreu i klanit "Farruku"

Shpërthim me tritol në një hotel në Theth

Ditari i Opozitës

Berisha leksion në shkollën politike të FRPD-së: Lideri duhet të jetë guximtar dhe vetvetja

Politiko 12 Dhjetor 2024, 19:57

Berisha leksion në shkollën politike të FRPD-së: Lideri

Kryetari i Partisë Demokratike, Sali Berisha në leksionin e fundit të ‘Shkollës Politike’ me të rinjtë e FRPD, u shpreh se kjo ngjarje është e rëndësishme jo vetëm për pjesëmarrësit, por edhe për PD-në dhe kombet shqiptar.

Berisha tregoi rreth përvojës e tij nga revolucioni i dhjetorit 1990, duke përshkruar guximin e rinisë studentore që u ngrit përballë diktaturës. Ai theksoi se guximi për të qenë vetvetja është thelbësor për të qenë lider. Liderët duhet të jenë të guximshëm dhe të marrin vendime të drejta dhe të mençura.

Berisha: Sot ju përfundoni një shkollë kushtuar politikës dhe secili nga ju duhet të ndjehet krenar që ndoqi këtë shkollë.
Ju studioni në fusha të ndryshme ose punoni në sektorë të ndryshëm, keni një profesion, synoni një profesion, por nuk duhet kurrë të harroni se në hierarkinë e të vërtetave mbi të cilat njeriu punon, në filozofi në inxhinieri, në high-tech, në mjekësi, janë disa të vërteta të tjera më eprore.
Janë disa të vërteta të tjera që në këtë hierarki janë kurora e saj dhe këto të vërteta janë liritë, të drejtat e njeriut, vlerat universale të njeriut të lirë.
Pra, shkolla që ju përfundoni përbën një drejtim të ri nga ai i profesionit, përbën ama, do thosha drejtimin më të mirë që mund të merrni ju në jetë sepse sado e vështirë që është politika, dhe është arti i të vështirës, por nuk ka tjetër si ajo që të jetë Leva e Arkimedit për të ndryshuar shoqërinë dhe botë.
Por ju keni një fat të madh ndaj dhe unë e vlerësova sepse kjo shkollë iu pajis juve me nocionet dhe dijet më të rëndësishme në këtë betejë që kemi përpara.
Unë kam përjetuar revolucionin e dhjetorit 1990.
Këtu ka ish-studentë të asaj kohe.
Duhet ta dini që ABC-ja e tyre politike ishte vetëm instinkti për lirinë. Mungonin në atë alfabet pothuajse shumica dërrmuese e njohurive, jo vetëm për ata, por për ne që u bashkuam me ta.
Megjithë këtë, ata, mosha juaj ishin, me armën e guximit, dhe këtu duhet të dal, me një guxim epik dolën në rrugën dhe u përballën me diktaturën.
Nga e gjetën ata këtë guxim? Si ka mundësi që ata djem dhe vajza, po qe se ishe student në atë kohë, po qe se ishe i privilegjuar, po qe se ishe pedagog, ishe i privilegjuar, sepse të persekutuari dhe të deklasuarit shumë rrallë mund të shkelnin në bankat e universitetit.
Çfarë i shtyu ata? Thashë instinkti për lirinë dhe guximi i tyre.
Ata guxuan të jenë vetja e tyre. Ndaj dhe të jesh lider, kurrë mos harroni, duhet të guxoni të jeni vetja juaj.
Duhet të guxoni të jeni vetja juaj, por kjo është vetëm një aspekt.
Për çfarë e përdor guximin? Cilat janë vendimet që merr? Lideri është vendimmarrës, një lider merr vendime, i peshon dhe vendos.
Pra, ju në fakt keni dëshmuar dhe keni vendosur t’u dilni zot atyre vlerave që janë vlerat eprore për të gjithë konservatorët në Shqipëri dhe botë.
Vlerat tona janë tradicionale, janë liria dhe dinjiteti njerëzor.
Ju duhet ta dini se këto kanë qenë të garantuara në Magna Carta, në Deklaratën, por absolutisht kanë qenë të garantuara edhe në ligjin më të lashtë të shqiptarëve, në të cilin për fjalën e lirë, ishin të gjithë të barabartë, si ai që ulej në krye dhe të tjerët që ndoshta u binte fjala në fund, por për fjalën ishin të gjithë një.