Flash News

Dosja “Toyota Yaris”/ SPAK kërkon 6 vite burg për avokatin Radovan Çela

Shkodër, familjarët gjejnë të varur 65-vjeçaren

Burgu i Durrësit ‘bastion’ i PS

Demokratët fitojnë bindshëm Kavajën

Blinin vota për PSD, në pranga një person, shpallet në kërkim kryeplaku i fshatit në Kukës

Ditari i Opozitës

Berisha mbledh grupin: Rama u soll në mënyrën më të pabesë me SHBA-në, kjo është ajo që duhet të bënte

Politiko 25 Janar 2023, 14:24

Berisha mbledh grupin: Rama u soll në mënyrën më të

Sali Berisha ka mbledhur grupin parlamentar, ku ka diskutuar për lidhjet e kryeministrit Edi Rana me ish-agjentin e FBI-së, Charles McGonigal.

Sipas Berishës, fakti që kryeministri i një vendi të NATO-s përdor mjete të paligjshme për të korruptuar një zyrtar, tregon se mafia shqiptare është më e rrezikshmja e botës së lirë.

“Edi Rama është sjellë në mënyrën më të pabesë, më jomiqësore ndaj partnerit tonë kryesor strategjik. Duke keqshfrytëzuar, duke trajtuar si aset, në mënyrë të fshehtë një njeri që nuk meritonte kurrë atë post që kishte.

Charles McGonigal ka dy akuza kryesore: njëra është ky, i ngarkuar për të mbikëqyrur Oleg Vladimirovië Deripaskën, një njeri nga më të afërmit e Putinit, në fakt u shndërrua në aset të tij. Ajo që është akti më i rëndë, një kryeministër i një vendi anëtar të NATO-s, përdor mjete të paligjshme për të korruptuar këtë zyrtar.

Çfarë dëshmon për Shqipërinë dhe shqiptarët kjo aferë nga më tronditëset? Kjo dëshmon se mafia shqiptare është mafia më e rrezikshme e botës së lirë. Se tentakulat e kësaj mafie, Neza, Duçka, Rama, janë të aftë të kryejnë çdo lloj operacioni të fëlliqur. Duke shkelmuar interesat jetike të sigurisë të SHBA, por edhe të NATO-s dhe botës së lirë në tërësi”, tha Berisha.

Ky i fundit tha se qeveria shqiptare duhet të informonte vendin partner dhe jo të shfrytëzonte dobësitë e tij. Berisha e cilësoi akt të rëndë tentativën për ta përdorur FBI-në si një agjensi private.

“Mafia qeveritare shqiptare është mafia më e rrezikshme e Europës dhe planetit. Shqipëria me dy mafiozë, Agron Nezën dhe Dorian Duçkën, arrin të fusë në rrjetë një njeri të brishtë nga morali dhe çdo gjë. Në vend që të informonin menjëherë vendin partner, këta e shfrytëzuan dobësitë e tij dhe e angazhuan në një luftë politike të paimagjinueshme.

E paguan atë për veprimtari antikushtetuese në SHBA. E paguan atë për përdorimin e institucionit themelor të sigurisë së SHBA, të brendshëm, për qëllime politike. E paguan që të përdorë FBI si një agjenci private. Edi Rama është bashkautor në këtë krim të shëmtuar. McGonigal ka bërë gjashtë udhëtime në Shqipëri. Ka bërë takime jo vetëm me Edi Ramën, por edhe me Ardi Veliun, me kupolën e policisë, etj.

Thuhet se të gjitha i ka bërë me pagesë, me faturë. Që të gjitha udhëtime të fshehta. Që të gjitha pa deklaruar oficerin e sigurimit që e shoqëronte edhe deri në tualet, Agron Nezën. Askund nuk e tregonte. Merrte 225 mijë dollarë prej tij, por krijonte edhe ndërmarrje bashkë me të, që të zhvaste edhe 500 mijë dollarë në Bosnje për takime në misionin e SHBA në OKB.

Rama me Nezën dhe Duçkën bënë gjithçka që t’i japin mundësi këtij njeriu, që të shkelmojë rregullat dhe kodin e institucionit të tij, institucion me rëndësi themelore jo vetëm për SHBA, por edhe për mbarë vendet e NATO-s dhe vendet e lira”, tha Berisha.