Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha me fermerët në Berat: Rama po mashtron për subvencionet e naftës, bujqësia drejt falimentimit

Politiko 15 Prill 2026, 18:28

Berisha me fermerët në Berat: Rama po mashtron për subvencionet e

Në një takim me fermerët në zonën e Beratit, kreu i Partisë Demokratike, Sali Berisha akuzoi Kryeministrin Edi Rama se po mashtron qëllimisht bujqësinë shqiptare në lidhje me subvencionet për naftën, duke i çuar fermerët drejt falimentimit.

Berisha deklaroi se Kryeministri, gjatë një takimi në Lushnje, i kishte thënë një fermeri se praktika e subvencionimit të naftës në Europë ka marrë fund.

“Ky është një mashtrim i paturpshëm,” tha Berisha, duke theksuar se “nuk ka asnjë vend në Europë që nuk subvencionon naftën për fermerët.”

Sipas tij, kjo deklaratë tregon një përçmim të thellë për punën e vështirë të atyre që punojnë tokën.

Berisha: Të dashur fermerë të Beratit, të Kuçovës, të kësaj zone, njerëz punëtorë. Së pari, dua të shpreh nderimin dhe respektin tim më të madh për ju.
I dashur Eno, Zia, të dashur drejtues të Partisë Demokratike, i dashur Gjok. Kam ardhur sot këtu me një ndjenjë revolte të thellë, t'ju them të vërtetën, në shpirt, mbasi vetëm pesë ditë më parë, ai që meriton çdo epitet, por ne nuk prishim gojë, i thoshte në Lushnje fermerit se në Europë nuk subvencionohet më nafta. Ka ikur ajo. Në një kohë kur, në mënyrë absolute, nuk ka vend në Europë që nuk subvencionon naftën.
E pashë aty, ai i fliste atij socialistit sikur t'i fliste lopëve apo mushkave të tij në stallë dhe jo një qytetari, i cili, nuk e di se ç'po fermer mund të ishte, dhe që jeton me djersën e tij, punon, zgjohet në 5 të mëngjesit dhe e mbyll me hënë ditën e punës.
Dhe ky kryeministër shkon edhe mashtron në mënyrën më të paturpshme. Në Europë nuk ka më tani, nuk subvencionohet nafta. Në një kohë kur, edhe njëherë jua them, në Europë nuk ka asnjë vend që nuk subvencionon naftën e fermerëve.
Përsëri fliste, thashë dhe një herë, unë shpreh, pavarësisht se ai socialist dhe dua t'ia, po shpreh nderim për këtë, sepse ai në fund i ngriti një problem në emër të të gjithë fermerëve. Dhe thoshte, jo. Ti i thoshte, do të sjellësh atë faturën, thoshte, dhe të marrësh 10%. Për të treguar që është një fyerje e vërtetë, më falni për shprehjen.
Ajo fatura e 10%-it, ajo s'ka asnjë lidhje me naftën. Ajo ka lidhje me TVSH-në. Ajo janë gjë krejt tjetër. Janë të palidhura. Kurse ky i thoshte tani, për të marrë ti naftën, njëri i thoshte që në Europë s'jep kush. Pastaj i thoshte se, për të marrë atë, sill atë faturën ti e do marrësh 10%. Po pse, domethënë, një, ai tregonte një përçmim ndaj atyre njerëzve që derdhin më shumë se të gjithë shqiptarët lumenj djerse, nga mëngjesi gjer në darkë.
Askush nuk e ka fitimin me më mund sesa fermeri. Askush, askush në fermën, në ndërmarrjen e vet, siç është ferma, nuk është më i kërcënuar nga një kompleks faktorësh sesa ç'është fermeri. Dhe ky tani, dhe ky tani merr një vendim, merr një vendim në një moment kur nafta ka kap atë çmim saqë punimi i tokës bëhet i paleverdishëm.
Gjatë pushtimit serb të Kosovës, në vitet e fundit, u rrit çmimi i naftës. Kosova mbeti djerrë, masivisht. Dhe unë e diskutoja vazhdimisht me Ibrahim Rugovën dhe me kryeministrin e asaj kohe, ajo ishte në pushtim. Në qoftë se ka një gjë që e lë tokën djerrë, se nuk e zëvendëson parmenda traktorin tani. S'mund ta zëvendësojë.
Ajo mund të bëjë, dhe ky, në vend që të bënte atë që po bën çdo kryeministër në Europë, Gjermania para tre javësh e rriti, e dyfishoi subvencionimin e naftës. Dhe përsëri ka ndërhyrë sot. Përsëri ka ndërhyrë sot. sepse përndryshe fermerët falimentojnë.