Flash News

Aksident në Lushnje, përfshihen katër makina dhe një motoçikletë

SPAK mbylli hetimet, reagon Meta: U firmos me urdhër të Edi Ramës

U mor e pandehur nga SPAK, Kryemadhi: Kryeprokuror i BKH është Edi Rama

Pastroi paratë e Çopjave, arrestohet në Dubai Armis Stafa

Partia Demokratike ankimon rezultatin e zgjedhjeve në Korçë

Ditari i Opozitës

“Berisha më ka falënderuar për rezultatin”, Alimehmeti: Për mua nuk ka rëndësi ana emocionale, por të kuantifikohet puna

Politiko 27 Maj 2025, 15:37

“Berisha më ka falënderuar për rezultatin”,

Kandidati për deputetet, Ilir Alihmemeti, i ftuar në News24, është shprehur se për rezultatin e zgjedhjeve, kreu i PD-së Sali Berisha e ka takuar dhe falënderuar.

Por, ai deklaroi se për të nuk ka rëndësi ana emocionale, por që puna të kuantifikohet.

“Jam kontaktuar dhe falënderuar nga Berisha, më ka falënderuar për rezultatin në zgjedhje. Nuk e di nëse është befasuar për rezultatin. Për mua nuk ka rëndësi ana emocionale, e rëndësishme është të kuantifikohet puna”, tha Alimehemti, i cili mbeti jashtë Kuvendit.

Alimehmeti u pyet nëse Berisha duhet të japë dorëheqjen si kryetar i Partisë Demokratike. Sipas Alimehmetit, çdo gjë ka etapa dhe se për momentin procesi ende nuk është mbyllur, e se kur ai të mblidhet, atëherë mund të nisë analiza në parti.

“Nuk mund të digjen etapat. Proceset kanë etapa, fillimisht është procesi, ende mund të ketë rinumërime, ka Kolegje Zgjedhore etj, kur të mbarojë procesi, ne do kemi një analizë. Pasi bëhet analiza, shikohen pikat e forta dhe të dobëta.

Listat ndoshta kishin mundësi që të bëhen më mirë, e kemi thënë këtë dhe më herët.  Kryesia është mbledhur e me radhë dhe do të marrim vendime përkatëse. Unë shikoj pjesën time, për momentin. Jam në vizione specifike aktualisht dhe më pas mund të bëhet analizë më e gjerë”, tha Alimehmeti.

Të fundit