Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Meta dhe Veliaj po trajtohen në mënyrë çnjerëzore në burg! Avokati i Popullit të nisë hetim

Politiko 23 Korrik 2025, 13:41

Berisha: Meta dhe Veliaj po trajtohen në mënyrë

Kryetari i Partisë Demokratike, Sali Berisha ka deklaruar këtë të mërkurë se ndaj presidentit të PL-së, Ilir Meta dhe ndaj Erion Veliajt po ushtrohen sjellje çnjerëzore në burg. 

Në një deklaratë për mediat, Berisha shprehet se ka denoncime dhe të dhëna se dy zyrtarët e lartpërmendur po trajtohen si mos më keq në burg dhe sipas tij këto sjellje janë të urdhëruara nga kryeministri Rama dhe Ulsi Manja. 

Berisha ka bërë thirrje që Avokati i Popullit të nisë një hetim për rastet e lartpërmendura. 

Deklarata e plotë e Berishës

Së fundmi, informacione të besueshme, për të cilat unë kam bërë denoncime, sjelljet në burg ndaj Ilir Metës, kryetarit të PL, janë çnjerëzore, janë politike, janë absolutisht të dënueshme.

I kërkoj Avokatit të Popullit me urgjencë të marrë takim me të burgosurin politik Ilir Meta dhe të bëjë publike të gjitha qëndrimet çnjerëzore të urdhëruara nga Edi Rama dhe Ulsi Manja nga banditë me uniformë brenda institucionit të vuajtjes së dënimit ndaj ish-presidentit dhe ish-kryeministrit të vendit.
Por sot më duhet gjithashtu të denoncoj të dhëna që kam se ka sjellje çnjerëzore edhe ndaj të burgosurit ordiner, Erion Veliaj.

Partia Demokratike ka bërë me dhjetëra e dhjetëra protesta për arrestimin e këtij delinkuenti, i cili është akuzuar as për 20 përqind të krimeve që ka kryer.
Por, cilido qoftë i burgosuri, trajtimi i tij në përputhje me rregullat dhe kodin e trajtimit të të burgosurve, është standardi i domosdoshëm për çdo vend anëtar të Këshillit të Europës.

Vijnë të dhëna se ndaj këtij të burgosuri janë kryer manipulime dhe akte të rënda, të dënueshme ndaj dhe unë i kërkoj Avokatit të Popullit të nisë një hetim të plotë edhe për qëndrimet ndaj këtij delinkuenti ordiner, por që në një vend anëtar të Këshillit të Europës gëzon ato të drejta që ligjet e vendit u njohin personave të burgosur.

Të fundit