Flash News

Nga shpenzimet e ceremonisë te mbishkrimi i varrit, zbardhet testamenti i Papa Françeskut

Vatikani zbulon shkakun e vdekjes së Papa Françeskut: Pësoi goditje në tru

Kush mund të jetë Papa i ardhshëm? 6 emrat e mundshëm

Pse vetëm një parti po bën fushatë në Shqipëri?

Makina bie nga ura në Pogradec, plagosen nënë e bijë

Ditari i Opozitës

Berisha: Në 3 muaj e parë do të përgjysmojmë taksat për bizneset e mëdha dhe lehtësira për të voglin

Politiko 21 Prill 2025, 18:36

Berisha: Në 3 muaj e parë do të përgjysmojmë taksat

Kryetari i PD, Sali Berisha premtoi nga Puka se në tre muajt e parë të qeverisjes do të përgjysmojë taksat për bizneset e mëdha dhe do të ofrojë lehtësira për biznesin e vogël duke theksuar se 5.5 milionë euro taksa do të përgjysmohen si një nga aktet e para të qeverisë së re. Berisha tha se paratë në duart e sipërmarrësve kanë më shumë vlerë për shoqërinë sesa në kontot e qeverisë pasi investohen më me përgjegjësi dhe japin efekt më të madh ekonomik.

Lideri opozitar premtoi gjithashtu uljen e tatim fitimit nga 23 në 10 përqind duke e lidhur këtë me rritjen e pagave dhe përmirësimin e kushteve të punës për punëtorët.

Berisha: 5.5 milionë euro taksa do të përgjysmohen.
Këtë të garantoj, ndër aktet më të para. Ne kemi një parim, paratë në kontot e biznesmenëve janë më të vlefshme se në kontot e qeverisë.
Sepse përdoren me më ekonomi dhe japin efekt më të mëdha për shoqërinë.
Ne do të përgjysmojmë taksat në 3 muaj e parë, për biznesin e madh, lehtësira të mëdha për biznesin e vogël.
Do të ketë një hapësirë shumë të madhe për iniciativën e lirë dhe lirinë e ekonomike.
Ne do ta ulim tatim fitimin, kanë 23 del 10, sigurisht ti ua jep rroga punëtorëve.
Në 11 maj në kuti të votimit, aty të firmosim, sepse do të firmosim një ndryshim të madh. Pata shumë kënaqësi që vizitova këtë sipërmarrje e cila është një investim i jashtëzakoshëm, i guximshëm, i suksesshëm.
Premtova dhe sigurova se akti i parë do të jetë përgjysmimi i taksave. Përgjysmimi i taksave për sipërmarrësin do të thotë të paktën 13% rritje të pagave, ata që paguajnë tatim fitimi. Do të thotë një sasi më e madhe fondi për sipërmarrësin për të rritur rrogat, dhe për të përmirësuar kushtet e punës, të cilat, thashë edhe njëherë ky është një sukses madhështor të themi të vërtetën.
Shumë prej jush nuk e ka parë si ka qenë këtu, unë po me qindra herë, ka qenë vetëm çezma aty sipër edhe një klub. Tani shiheni si është, tani është fabrika më e madhe e prodhimit të ujit dhe produkteve të tjera në rajon.
Linja ultra moderne. Ju përshëndes shumë përzemërsisht dhe ju ftoj në 11 maj të gjithë firmosni.

Të fundit