Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Në mëngjesin e punës në Bruksel, Ramën nuk e lanë të fliste

Politiko 24 Shkurt 2026, 13:19

 Berisha: Në mëngjesin e punës në Bruksel, Ramën nuk e

Në një konferencë për gazetarët, kryetari i Partisë Demokratike, Sali Berisha, komentoi takimin e mëngjesit të Kryeministrit Edi Rama me ambasadorët kryesorë të Bashkimit Evropian në Bruksel.

Ai tha se Rama nuk është lejuar të flasë gjatë dhe se mesazhet e BE-së për Shqipërinë dhe drejtësinë janë qartësisht të drejtuara ndaj qeverisë shqiptare.

Berisha akuzoi kryeministrin për pengimin e procesit të integrimit dhe për tensionimin e marrëdhënieve me institucionet evropiane.

 Sali Berisha: Sinjalet janë shumë të qarta, BE, Komisioni Europian, Parlamenti Europian, vendet më kryesore të BE, kanë folur qartë para shqiptarëve. Asnjë pengesë drejtësisë, shkarkohet Lubi Balluku, t’i hiqet imuniteti.

Në mëngjesin e punës që ka pasur me ambasadorët kryesorë të BE në Bruksel, në një mençuri, nuk kanë preferuar ta lënë të flasë gjatë se kur e merr fjalën ai, nuk ka llafazan më të mërzitshëm, nuk mund ta imagjinoni ju, ai nuk ndërpritet.
Ai ka vesin që të flasë pa mbarim, të grijë sallatë pa mbarim dhe këtë tani ia kanë marrë vesh të gjithë dhe e kanë pritur me këmbë të para. Nuk je këtu për të na dhënë shpjegime, të kemi thirrur për të shpjeguar një, dy, tre, përndryshe do kesh një raport shumë të keq.
Raporti i keq, siç u rrodh, është zhbërja e procesit gjersa Edi Rama të jetë në pushtet.
Po ky nuk ka interesa të tjera, ky është i gatshëm t’ia mbyllë Shqipërisë dyert e BE.
Ky është i dalë boje.
Kudo që shkon, ky shkon si një langaraq i pashoq.
Imagjinoni ju, kur presidenti Donald Trump bombardoi bunkerët në një operacion perfekt nuklear të Teheranit, ju kujtohet se çfarë tha, Europa është paqja, nuk merr mend nga SHBA. Është kultura e paqes, amerikanët vijnë, hedhin ca bomba dhe ikin.
Shkoi në Bord, dhe aty mbajti një fjalë neveri si askush tjetër.
Pra, është i damkosur si lëngaraqi i komunitetit ndërkombëtar.

Të fundit