Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

Ditari i Opozitës

Berisha nga Lushnja: Rama kërkon të shfarosë opozitën, po mbyll çdo shteg për demokratët

Politiko 18 Nëntor 2023, 18:58

Berisha nga Lushnja: Rama kërkon të shfarosë opozitën, po

Kryedemokrati Sali Berisha pasditen e stome zhvilloi një bashkëbisedim më qytetarët e Lushnjës, në kuadër të turit “Opozita në Aksion’.

Berisha akuzoi kryeministrin Edi Rama se ka mbyllur çdo shteg për demokratët, ndërsa shpoi se në 10 vite pushtet nga PS është kryer gjenocid për largimin e shqiptarëve.

“Ky takim sot ka për qëllim një besëlidhje, ka për qëllim një premtim të demokratëve të Lushnjës, për të marrë përsipër misionin e madh, shpëtimtar të Lushnjës dhe Shqipërisë. Ne vijmë sot në këtë takim pas 10 vitesh, një opozite drobitëse, pas 10 vitesh në të cilat ne demokratët kemi parë para syve tanë se si, Edi Rama shpërbëri arritjet 30 vjeçare të demokracisë.

Ne pamë, para syve në këto 10 vite se si vota jonë, vullneti ynë, humbi vlerën e vet. Ne pamë se si këto 10 vite lumenjtë e djersës, mundit të fermerëve, biznesmenëve, qytetarëve të Lushnjës, u shpërbënë, u dëmtuan.

Ne pamë se si këto 10 vite u krye një gjenocid i vërtetë në kuptimin e krijimit të kushteve për largimin nga vendi.

Ne pamë gjatë këtyre 10 viteve, se si ekonomitë e fermerëve shqiptarë u përgjysmuan, se si u adaptua një politike strikte, armiqësore. Mjafton të kujtoj këtu se në buxhetin e këtij viti, për fermerët që përbëjnë 40% të popullatës, parashikohen gjithsej 30 mln euro dhe prej atyre ju garantoj se të paktën 20 i futin në xhepa, qeveritarët dhe administratorët e tyre.

Nuk ka ndodhur ndonjëherë kurrë që nga themelimi i shtetit shqiptar, dhe më këtë nënkuptoj qeverinë e vendosur para Kongresit të Lushnjës, që fermerët e këtij vendi të kenë qenë më të braktisur.

Nuk ka ndodhur ndonjëherë kurrë që një qeveri të parashikojë për investim gjithsej 30 mln euro në të gjithë bujqësinë shqiptare.”, u shpreh Berisha.

Të fundit