Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha nga protesta: Jemi në kilometrin e fundit, asgjë nuk na ndal drejt fitores

Politiko 24 Janar 2026, 18:39

Berisha nga protesta: Jemi në kilometrin e fundit, asgjë nuk na ndal
Kreu i Partisë Demokratike, Sali Berisha, ka deklaruar se opozita ndodhet në fazën përfundimtare të përballjes me qeverinë, gjatë fjalimit të mbajtur në protestën e zhvilluar sot para Kryeministrisë.

Berisha u shpreh se beteja politike e opozitës ka qenë e gjatë dhe e vështirë, por e domosdoshme për mbrojtjen e pluralizmit dhe demokracisë në vend, duke theksuar se sipas tij, opozita është pranë triumfit.

“Sot jemi në kilometrin e fundit. Me ndihmën e Zotit, asgjë nuk do të na ndalë drejt fitores. Sot jemi para triumfit të madh”, deklaroi Berisha para protestuesve.

Ai pranoi se për shumë qytetarë fitorja mund të duket ende e largët, duke pasur parasysh gjendjen në të cilën ndodhet vendi, por theksoi se rruga e ndjekur nga opozita ka qenë një përballje e gjatë dhe e vështirë.

“Opozita që kemi bërë së bashku këto vite ka qenë një maratonë, jo e lehtë, e shoqëruar me presione, izolime dhe përpjekje për ta zhdukur opozitën nga jeta politike. Por përballë kësaj, ne kemi treguar qëndresë stoike dhe kemi bërë sakrifica të dhimbshme”, u shpreh ai.

Berisha shtoi se projekti për një “Shqipëri pa opozitë” ka qenë i papranueshëm për Partinë Demokratike dhe për qytetarët që e mbështesin, duke theksuar se opozita ka qenë dhe do të mbetet e gatshme të paguajë çdo çmim për të mbrojtur pluralizmin dhe lirinë politike në vend.

PJESE NGA FJALA

Të dashur qytetare dhe qytetarë, demokrate dhe demokratë, opozitarë dhe opozitare, të pranishëm në këtë shesh dhe kudo që jeni sonte.
Të dashur shqiptare dhe shqiptarë kudo që ndodheni sonte.
Përshëndetjet e mia më të përzemërta për ju, misionare dhe misionarë të pamposhtur dhe guximtarë të kombit shqiptar, të pranishëm sonte në këtë shesh beteje dhe për të gjithë shqiptarët kudo që janë.
Të nderuar drejtues të PD, partive aleate, të nderuar deputetë të pranishëm në këtë protestë.
Vëllezër dhe motra.
Do ta nis këtë fjalë me një mesazh që këtë javë, të tmerruar nga protesta jonë e kaluar, mediat e qeverisë bënë gjithçka ta vendosin në harresë.
Mesazhi im është ky, sot ne jemi në kilometrin e fundit, me ndihmën e Zotit asgjë nuk do na ndalë drejt fitores tonë.
Sot ne jemi para triumfit të madh, shumëkujt triumfi mund t’i duket ende larg kur sheh udhëkryqin në të cilin ndodhet Shqipëria.
Por miqtë e mi, opozita që kemi bërë së bashku vitet e fundit ka qenë pa dyshim maratonë jo e lehtë.
Thuaj një kalvar maratonë e mbushur me dhunën e narkoshtetit, presione dhe izolime oruelliane ndaj nesh, por edhe një qëndresë stoike, sakrifica të dhimbshme nga ne.
Ishin vitet e një përballje të egër me regjimin e narko-diktatorit Ramaduro, biri i një xhelati që firmoste varjen e kundërshtarëve politikë dhe që përdori të gjitha mënyrat për realizimin e projektit të tij, Shqipëria pa opozitë.
Ai bëri gjithçka, përdori burgjet, manipulimet, lobimet e korruptuara, por ja ku jemi sot, më të fortë se kurrë.
Në udhëtimin tonë, që në kilometrat e parë, ne u dëshmuan shqiptarëve dhe botës, se projekti i Shqipërisë pa opozitë apo kallp opozitë, ishte turpi i tyre, ishte turpi i historisë, që ne kurrë nuk do ta pranonim kurrë, të gatshëm për çdo çmim.
Në këtë udhëtim ne u ngritëm si Feniksi nga hiri dhe nga izolimi më i thellë arritëm në kilometrin e fundit si forca politike më e mbështetur nga shqiptarët dhe partitë simotra në mbarë botën.
Arritëm në kilometrin e fundit pasi plagosëm për vdekje bishën narkodiktaturë dhe u dëshmuam shpresa e vetme e shqiptarëve.
Zoti u bekoftë!