Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha nga Shkodra: Në vitin e parë do vendosim taksat më të ulëta në mbarë Europën

Politiko 18 Mars 2025, 20:57

Berisha nga Shkodra: Në vitin e parë do vendosim taksat më

Në Shkodër, lideri i opozitës Sali Berisha ka prezantuar programin e PD-së dhe Aleancës për Shqipërinë Madhështore.

Në fjalën e tij, Berisha u shpreh se programi ‘Made in Albania’ do e ngrejë në këmbë Shqipërinë!’.

Ai tha se, që në vitin e parë qeverisja e Partisë Demokratike do të vendosë taksat më të ulëta në mbarë Europën.

Berisha : Përsëri, kjo nuk është Shqipëria Madhështore.
Por pa këtë hap, nuk ka hap të dytë drejt saj.
E dyta është Made in Albania.
Made in Albania është prodhimi i Shqipërisë.
Krenaria jonë kombëtare do jetë prodhimi i Shkodrës, Pukës, Malësisë së Madhe, Vaut të Dejës, Bushatit, prodhimi i mbarë Shqipërisë.
Po, po nuk ka njerëz më duarartë, nuk ka njerëz më mendjendritur se në këtë qytet.
Prodhimet e tij, në qoftë se nxiten, në qoftë se ndihmohen, janë të denja për çdo treg.
Unë garantoj biznesmenët shkodranë dhe mbarë shqiptarë, investitorët shkodranë dhe mbarë shqiptarë se taksat më të ulëta në Europë do vendosen vitin e parë të qeverisjes sonë.
Se energjinë do ta blini tre herë më lirë.
Se energjinë do ta blini me çmimin më të ulët në Europë.
Jemi në vitin e diasporës, e meriton diaspora.
Nuk e kemi një fjalë elektorale këtë, jo, e kemi një fjalë të vërtetë, e kemi një fjalë zemre dhe unë u garantoj se do bëjmë gjithçka që ata mijëra shkodranë që kanë ndërtuar suksesin e tyre në Itali, Greqi, Amerikë dhe kudo të rikthehen të ndërtojnë ëndrrën shkodrane, ëndrrën më të bukur të jetës së tyre.
Pesë vite, asnjë taksë.
Lehtësira të tjera për rikthimin e tyre.
Made in Albania është krenaria jonë.
Shqipëria, Shkodra në çdo skaj prodhon dhe do prodhojë.
Imagjinoni për një moment fuqinë bujqësore të Nënshkodrës, Bushatit, Vaut të Dejës, Malësisë së Madhe, Pukës, etj.
I garantoj fermerët se do kenë subvencione për çdo njësi prodhimi, për çdo fidan, për çdo kokë bagëti.
I garantoj se projektet e mëparshme të arrorëve dhe ullinjve do vazhdojnë të mbështeten me fuqinë më të madhe.
Miqtë e mi, Shqipëria pa prodhim shkon drejt një shkretëtire. Prodhimi po bie çdo vit. Narkoeuro po shkatërron eksportet. Është bërë një para toksike.
Çdo muaj bien eksportet. Bien eksportet, bie prodhimi, bie punësimi.
Do marrim çdo masë gjersa t’ua presim rrënjët me gërshërët e ligjit trafikantëve që të mos guxojnë të fusin një euro në Shqipëri nga paratë e krimit.
Ne do bëjmë gjithçka që t’ua kompensojmë prodhuesve, eksportuesve dëmin që u krijon kursi i këmbimit.
Do mbrojmë prodhimin vendas.
Made in Albania do e ngrejë Shqipërinë, do e bëjë atë të vrapojë, do i bëjë të mëkëmbur qytetarët e saj.