Flash News

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Dyshohet se abuzoi se*sualisht me vajzën e tij, mbërrin në gjykatë Zamir Meta

Durrës/ Morën me forcë në automjet një 48-vjeçar dhe e dhunuan, identifikohen 4 autorët

Ditari i Opozitës

Berisha: Nuk mund të ketë paqe sociale pa i dhënë përgjigjen e merituar problemit të të përndjekurve politikë

Politiko 18 Janar 2025, 11:48

Berisha: Nuk mund të ketë paqe sociale pa i dhënë

Kryetari i Partisë Demokratike, Sali Berisha gjatë një takimi me drejtuesit e Departamentit të ish të Përndjekurve politikë, shprehu mirënjohjen dhe nderimin për të përndjekurit politikë, duke theksuar rolin e rëndësishëm që kjo shtresë ka luajtur në themelimin dhe zhvillimin e Partisë Demokratike dhe në mbrojtjen e vlerave si liria e fjalës, besimi në Zot dhe dashuria për atdheun.

Berisha: Nderimin më të madh për ju, për të gjithë pjesëtarët e kësaj shtrese të martirizuar kudo që janë, në Shqipëri, jashtë vendit.
Shtresa e të përndjekurve politikë është me trashëgiminë e saj, morali dhe vlerat, të cilat mbron dhe ndan me të tjerët PD.
Ajo ka luajtur një rol thelbësor në këtë forcë politike nga ditët e para të themelimit dhe gjer sot.
Problematikat e jashtëzakonshme të trashëguara nga diktatura, me gjithë përpjekjet e përbashkëta, ende nuk kanë marrë përgjigjen e merituar.
Dhe një nga qëllimet më kryesore të kësaj mbledhje është të kërkojë nga ju të hartojmë programin e ri të PD, pasi marrëveshja e vitit 2006, që ne patëm me të përndjekurit politikë, marrëveshje e pranuar pikë për pikë siç u paraqit, ajo marrëveshje në disa aspekte është tejkaluar dhe kërkohet të bëhet edhe një rishqyrtim i të gjithë detyrimeve që shoqëria ka ndaj jush.
E kam thënë dhe e them se kjo është një detyrim madhor moral dhe ligjor i shoqërisë shqiptare ndaj kësaj shtrese.
Sot, ndoshta gjysma e shqiptarëve ndoshta nuk e realizojnë dot se qindra e mijëra pallate, se hekurudha dhe vepra të tjera, se miliona ton minerale janë puna prej skllevërve që iu imponua të përndjekurve politikë, të burgosurve, të internuarve regjimi komunist.
Askush nuk duhet të mendojë ndryshe veçse një borxh i madh moral ndaj jush.
Këtu në Tiranë, dhe unë nuk kam të gjithë inventarin, por janë mijëra familje të strehuara në pallate të ndërtuara nga të përndjekurit politikë dhe të burgosurit politikë.
Bllok pas blloku. Dy blloqe paralel të rrethuara me tela me gjemba me ushtarë, aty futeshin të burgosurit dhe ndërtonin.
Këto janë të vërteta.
Dhe e gjitha kjo, pse, sepse qëndronit për vlerat që ndajnë sot shoqëria e lirë. Për fjalën e lirë, për besimin tek Zoti, për dashurinë për atdheun, për vokacionin perëndimor.
Pra, në këtë kuadër, programi i PD për të përndjekurit, të internuarit, të burgosurit, të pushkatuarit, do të ridimensionohet plotësisht.
Detyrimet e shoqërisë shqiptare ndaj kësaj shtrese do të njihen, siç janë njohur në masë të caktuar, dhe do të plotësohen.
Po, nuk mund të ketë paqe të vërtetë sociale pa i dhënë përgjigjen e merituar problemit të të përndjekurve politikë dhe pronarëve. Jo.