Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha nxjerr ‘hilen’ e Ramës për pedagogët: Do premtojë 40%, por pagat do ua rrisë vetëm 10%

Politiko 4 Tetor 2022, 16:39

Berisha nxjerr ‘hilen’ e Ramës për pedagogët: Do

Kreu i PD, Sali Berisha ka dalë në mbështetje të pedagogëve, të cilët kanë paralajmëruar sërish nesër protestën e radhës ndaj qeverisë para Universitetit Politeknik, për rritjen e pagave.

Në një postim në Facebook, Berisha shkruan se Rama po përgatit një skenar mashtrimi për ta, pasi pagat e pedagogëve do rriten 40%. Por nga këto vetëm 10% do rriten me paratë e buxhetit të shtetit dhe 30% nga të ardhurat e universiteteve përmes tarifave që mbledhin nga studentët.

Berisha: Një tallje cinike e Edi Ramës me pedagogët dhe studentët e universiteteve të vendit. Nga buxheti i shtetit premton rritje pagash më të ulëta se sa rritja e inflacionit dhe të gjithë rritjen tjetër të rrogave të pedagogëve ua ngarkon studentëve.

Të dashur miq, nën presionin e fuqishëm të Sindikatave të Arsimit të Lartë Edi Rama ka përgatitur mashtrimin cinik të radhës. Me një vendim qeverie që ai e mban në sirtar beson se do mashtrojë pedagogët dhe studentët për kërkesat e tyre madje dhe t’i përçajë dhe nxisë ata kundër njëri-tjetrit. Kështu sipas vendimit kurth pagat e pedagogëve do rriten 40%.

Por nga këto vetëm 10% do rriten me paratë e buxhetit të shtetit. De facto jo vetëm nuk do të ketë rritje por as dhe indeksim. Kjo sepse inflacioni real është rreth 12%. Por tallja dhe cinizmi i tij nuk ndalon me kaq.

Në vendimin e tij, Rama parashikon që pagat do rriten 30% vetëm nga tarifat e studentëve (të ardhurat e universiteteve). Me këtë akt të papërgjegjshëm ai fut duart e zeza në xhepat e studentëve dhe familjeve të tyre. Por nga ana tjetër duke qenë diskrecion e rektorateve vetëkuptohet që kjo rritje nuk do ndodhë mbasi rektorët të ardhurat do t’i përdorin sipas qejfit për destinacione të tjera dhe jo për pagat e pedagogëve.

Në vendimin e tij mashtrim, Rama nuk thotë asnjë fjalë për mbështetjen financiare ndaj studentëve, buxhetin për kërkimin shkencor as dhe problematikat e mëdha të universiteteve tona.

Dënoj me ashpërsinë më të madhe këtë mashtrim të turpshëm të Edi Ramës dhe shpreh mbështetjen e plotë të Partisë Demokratike për kërkesat e sindikatave të Arsimit të Lartë dhe studentë dhe kërkoj plotësimin e menjëhershëm të tyre.

Ju bëj thirrje qytetarëve të mbështesin protestën e pedagogëve dhe studentëve të universiteteve që zhvillohet nesër më datë 5 tetor ora 10.00 para Universitetit Politeknik.