Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha nxjerr provat e manipulimit të votës në Itali: Mbi 15 mijë vota u ‘mbytën’ në Adriatik!

Politiko 23 Korrik 2025, 13:04

Berisha nxjerr provat e manipulimit të votës në Itali: Mbi 15

Kryetari i Partisë Demokratike, Sali Berisha ka publikuar mesditën e kësaj të mërkure të tjera prova që sipas tij vërtetojnë manipulimet me votat në zgjedhjet parlamentare të 11 Majit.

Në një konferencë për shtyp Berisha ka publikuar pamjet që tregojnë se vota e diasporës në Itali është manipuluar. Kreu i PD-së thotë se KQZ ka dërguar në Itali 15 mijë zarfe më pak nga 91 mijë të regjistruara.

Berisha thotë se 15 mijë e 474 vota nuk kanë mbërritur në destinacion për arsye politike. Referuar pamjeve, Berisha shton ndër të tjera se në 50 përqind të rasteve nuk faktohet marrja nga votuesi e fletëve të votimit.

Deklarata e plotë e Berishës:

Vetëkuptohet se asgjë më të rëndësishme dhe jetike për Shqipërinë dhe shoqërinë shqiptare në shpërbërje të plotë se sa rikthimi i votës së lirë.

Ndaj dhe kryetemë e çdo dalje në këtë platformë do të jetë mbrojtja e votës së lirë të qytetarëve shqiptarë nga një bandë armiqësore ndaj saj, e kryesuar nga Edi Rama dhe narkosit e tij.
Kam paraqitur disa ditë me radhë para medieve dhe publikut farsën zgjedhore të diasporës në Greqi.
Skenarë të njëjtë me Greqinë janë zhvilluar edhe në zona të tëra të Italisë.

Këtu, zgjedhës të miratuar në Itali kanë qenë 91 mijë. Zarfe të dërguar në Itali janë 91 mijë.
Por zarfe të mbërritur në KQZ nga Italia janë 75 mijë apo 15 mijë më pak.
Çka do të thotë se 15 mijë e 474 vota u mbytën në Adriatik për arsye politike. Nuk mbërrijnë në destinacion.
Grupi që po analizon ka shqyrtuar gjithsej 353 fatura që DHL ka paraqitur për dorëzimin e votave tek qytetarët shqiptarë.

Nuk është u dorëzuar vota 7 përqind të votuesve, janë përjashtuar.
Nuk është marrë firma tek 3 përqind e tyre.
Kanë firmosur persona të tjerë në 21 përqind të rasteve.
Pra, siç e shihni, në rreth 30 përqind, ai që ka marrë votën, nuk dihet kush është, nuk është i zoti, nuk është personi që i takon.

Në vend të firmave, në 3 përqind janë gjetur vetëm vizë.
Në 3 përqind është gjetur vetëm fjongoja, se Lubia e ka shumë pasion fjongon.
Shenja të tjera në vend ët firmës, 15 përqind.
Domethënë në 42 raste është krejtësisht falsitet dorëzimi i fletëve të votimit.
Po të shtosh këtu 42, plus 7, 49 që nuk janë dorëzuar fare, në 50 përqind të rasteve, fletët e votimit nuk u janë dorëzuar votuesve, por janë dorëzuar në zyrat e PS.
Nuk faktohet marrja nga votuesi në 50 përqind të rasteve.