Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Opozita do hapë platformën parlamentare para kryeministrisë ku do flasin deputetët dhe qytetarët

Politiko 7 Nëntor 2025, 13:15

Berisha: Opozita do hapë platformën parlamentare para

Kryetari i Partisë Demokratike, Sali Berisha, ka njoftuar se opozita do të hapë një “platformë parlamentare” para godinës së Këshillit të Ministrave, ku do të flasin si deputetët ashtu edhe qytetarët.

Berisha akuzoi mazhorancën për “asgjësim të parlamentarizmit”, duke theksuar se në nëntë seanca të zhvilluara, opozita është lejuar të diskutojë vetëm në njërën prej tyre. Sipas tij, kjo përbën “shkelmim të Kushtetutës, rregullores së parlamentit dhe rendit kushtetues të vendit”.

Ai shtoi se në këtë platformë të re, përballë Kryeministrisë, do të paraqiten publikisht fjalimet, propozimet dhe denoncimet e opozitës, të cilat, sipas tij, po pengohen të dëgjohen brenda sallës së Kuvendit.

Berisha:Narkomazhoranca apo pseudomazhoranca ka kaluar në ekstrem.
Në parlament nga 9 seanca të zhvilluara, me gjithë angazhimin më serioz të opozitës në çdo komision, në çdo seancë, ju jeni dëshmitarë se opozita është lejuar të diskutojë vetëm në një seancë, çka do të thotë de facto asgjësim i parlamentit dhe parlamentarizmit.
Çka do të thotë shkelmim i Kushtetutës, rregullores së parlamentit, rendit kushtetues të vendit.
Çka do të thotë mohim i të drejtave të opozitës.
Plas çdo skandal, jo tanimë kryeministri, por as ministrat nuk paraqiten në interpelancë.
Në këto kushte do i sugjeroj grupit parlamentar dhe partisë që opozita të hapë platformën parlamentare para ndërtesës së Këshillit të Ministrave dhe aty deputetët e opozitës, qytetarët, të paraqesin në fjalimet e tyre të gjitha mendimet, propozimet, denoncimet.
Pas 9 seancash, opozita është lejuar të debatojë vetëm një ditë në parlament.
Atëherë ne kalojmë në debat me qytetarët.
Kjo përbën një hap të domosdoshëm për t’iu përgjigjur represionit në parlament të opozitës, të pluralizmit, shkelmimit të ligjeve, të Kushtetutës, në funksionimin e këtij institucioni.

Të fundit