Berisha paralajmëron Veliajn: Do varesh në shtyllën e turpit të kryeqytetit

Kryedemokrati Sali Berisha i ka bërë thirrje kryebashkiakut të Tiranës, Erion Veliajt, të dorëhiqet pasi nuk ka shpëtim nga zemërimi dhe protesta e qytetarëve.

Berisha shprehet se do ta vazhdojnë këtë betejë më me guxim se kurrë më parë.

“Erion Veliaj është nga hajdutët më të pamëshirë të Shqipërisë dhe planetit.

Erion Veliaj kërcënon, çon mesazhe me aferat e vëllait të vet, zyrtarë të tjerë.

Erion Veliaj përdor tani mercenarët e Skapit, përdor krimet e tij dhe të vëllait të vet, për të shpëtuar, për t’u mbrojtur nga vjedhjet që ka kryer.

Për të mbrojtur 136 milionë euro të zhdukur në djegësin e Tiranës së bashku me Edi Ramën.

Për të mbrojtur qindra e qindra milionë euro të tjera të shndërruara në pallate, hotele luksoze me 5 yje dhe të depozituara në kontot offshore.

Erion Veliaj, nuk ke shpëtim, qytetarët e Tiranës të kanë prerë biletën, të kanë varur teneqenë.

Fundi yt është i shpejtë.

Do varesh në shtyllën e turpit të kryeqytetit, në sheshin Skënderbej.

Ik më mirë, ik sa më shpejt sepse qytetarëve të revoltuar, qytetarëve të zemëruar, guximtarëve të pamposhtur nuk ka forcë më botë që t’u rezistojë.

Ndaj miqtë e mi, të vazhdojmë ne këtë betejë, më të bashkuar, më të fuqishëm, më me guxim se kurrë më parë.

Gjer në fitore.

Fitore, fitore, fitore!”- shprehet Berisha.