Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: PD do bëjë çdo gjë për anulimin e ligjit për barazinë gjinore, do rikonsiderojmë edhe referendumin

Politiko 7 Nëntor 2025, 13:29

Berisha: PD do bëjë çdo gjë për anulimin e ligjit

Kreu i Partisë Demokratike, Sali Berisha, deklaroi se PD nuk pajtohet me ligjin për barazinë gjinore dhe do të ndërmarrë çdo hap të mundshëm për anulimin e tij.

Në një deklaratë për mediat, Berisha theksoi se ky ligj “përmbys rendin juridik të shtetit shqiptar”, duke argumentuar se bie ndesh me disa nene të Kushtetutës, si edhe me Kodin e Familjes dhe Kodin Civil.

Ai shtoi se kjo nismë do të bëhet në bashkëpunim me “çdo shqiptar që e ka familjen sa hyjnore, aq edhe tokësore”, me besimtarët që ndjekin librat e shenjtë të fesë së tyre dhe me prindërit që duan që fëmijët e tyre të edukohen në përputhje me gjininë me të cilën kanë lindur.

Sipas Berishës, ky ligj kërkon “një përgjigje të fuqishme nga qytetarët”, ndërsa opozita do ta kthejë këtë në një betejë politike dhe shoqërore.

Berisha: Në këto rrethana, PD nuk pajtohet me këtë ligj.
Ajo do ndërmarrë të gjitha hapat kushtetuese, do rikonsiderojë referendumin dhe çdo gjë të mundshme dhe të nevojshme për anulimin e këtij ligji, i cili në fakt përmbys rendin juridik të shtetit shqiptar pasi rrëzon të paktën 4 nene të Kushtetutës.
Pasi rrëzon Kodin e Familjes.
Rrëzon Kodin Civil.
Kodet, pra, të cilat përbëjnë bazën juridike të shtetit.
Kjo përpjekje do bëhet në bashkëpunim të ngushtë me çdo shqiptar që e ka familjen sa hyjnore, aq edhe tokësore.
Me çdo besimtar që i konsideron librat e shenjtë të besimit të tij fetar si kodin moral të familjes së tij.
Me çdo prind që në përputhje me Kushtetutën e vendit, do që fëmija e tij të marrë edukimin fetar të familjes së tij. Në përputhje me gjininë, me të cilën ka lindur.
Pra, të gjitha këto kërkojnë një përgjigje të fuqishme nga qytetarët dhe ne nisim këtë betejë me bindjen më të thellë se pavarësisht nga mbështetja e këtij narkoshteti, ky narkoshtet nuk ka legjitimitet.
Se pavarësisht nga mbështetja e këtij narkoshteti, raporti i ndërkombëtarëve për zgjedhjet e 11 majit rrëzoi legjitimitetin e kësaj qeverie.
Se pavarësisht nga të gjitha mbështetjet, Shqipëria është rrezik kryesor me eksportin e kriminalitetit në Ballkan dhe në Europë.
Dhe se kartelet shqiptare të drogës, degë të karteleve të Amerikës Latine, janë sot kartelet më të rrezikshme për Europën.
Ne e bëjmë këtë betejë jo vetëm për fëmijët tanë dhe veten tonë, por e bëjmë edhe për miqtë tanë dhe partnerët tanë.

ZYRA E MEDIAS DHE KOMUNIKIMIT, PARTIA DEMOKRATIKE