Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: PD i mbijetoi përpjekjeve për ta zhdukur, sot betohet të rikthejë idealet e Dhjetorit

Politiko 8 Dhjetor 2025, 19:36

Berisha: PD i mbijetoi përpjekjeve për ta zhdukur, sot betohet të

Kryetari i Partisë Demokratike, Sali Berisha, nga Foltorja para Kryeministrisë ka mbajtur një fjalë të gjatë në kuadër të 8 Dhjetorit, Ditës së Rinisë, ku kujtoi rolin historik të studentëve të vitit 1990 dhe deklaroi se PD mbetet sot forca që mbron idealet e asaj lëvizjeje.

Berisha krahasoi protestën studentore të dhjetorit 1990 me energjinë e gjeneratës Z në vendet e tjera të botës, duke e cilësuar këtë brez si “zëdhënësin më të guximshëm të aspiratave të kohës”.

Ai e cilësoi Partinë Demokratike si “parti të idealeve të dhjetorit” dhe si një nga të paktat parti politike në hapësirën ish-komuniste që ka mbijetuar “tallazeve” të tranzicionit.

“Të dashur miq, këto dy vjet është shkruar dhe folur shumë për gjeneratën Z, gjeneratë e cila, janë të rinjtë që në fakt përmbysën diktatura mizore në Nepal, në Bangladesh dhe në vende të tjera.

E vërteta është se kjo gjeneratë është bërë zëdhënësja më e guximshme, më e shkëlyqer e idealeve të kohës, e aspiratave të kohës. Është kjo gjeneratë pra në krye të betejës për liri të shoqërisë njerëzore.

Por po të kthehemi 35 vite më parë, studentët e Universitetit të Tiranës ishin në kushte më të pakrahasueshme se studentët e asnjë vendi tjetër.

Në Shqipëri, gjithçka, çdo përpjekje ishte shtypur dhe vendimi i përgjithshëm dukej se për Shqipërinë ishte, kështjellë e socializmit në brigjet e Adriatikut.

Një grup i vogël studentësh, jo më shumë se qindra, nuk qenë dakord dhe një natë të 8 dhjetorit, dolën në protestë në qytetin e tyre.

Sot, pas 35 vitesh, ne nuk jemi më një diktaturë moniste. Studentët e dhjetorit nuk kishin një forcë politike që t’u dilte zot. E vërteta është se edhe qytetarët e trembur, dy ditët e para nuk u afruan me ta. Por ata vazhduan dhe fituan.

Kurse sot, shqiptarët kanë një forcë politike dhe kjo është PD. Parti e themeluar nga studentët e dhjetorit. Parti e idealeve të dhjetorit. Parti, e cila është e dyta dhe e vetme në gjithë hapësirën ish-komuniste që iu mbijetoi tallazeve dhe të gjitha përpjekjeve për ta zhdukur dhe mblidhet sot këtu e betuar si kurrë më parë për të rikthyer edhe njëherë në piedestal idealet e larta të lëvizjes së dhjetorit, lirinë e shqiptarëve, votën e lirë, dinjitetin e tyre, familjen shqiptare, interesin kombëtar të shqiptarëve”, deklaroi Berisha.