Flash News

Nisin votimet për primaret/ Gara e fortë në Tiranë, nuk priten surpriza në Elbasan dhe Shkodër

Posta e mëngjesit/ Me 2 rreshta: Çfarë pati rëndësi dje në Shqipëri

Aksident me vdekje në aksin Tiranë-Elbasan

‘Tulipanët’ mposhtin SHBA-në, Holanda kalon në çerekfinalen e Katarit

Bordi ndryshon sërish çmimet e karburanteve, ulet nafta

Ditari i Opozitës

Berisha: Pedagogu i Universitetit të Sporteve u shkarkua sot me urdhër direkt nga Edi Rama

Politiko 28 Shtator 2022, 17:38

Berisha: Pedagogu i Universitetit të Sporteve u shkarkua sot me urdhër

Kreu i PD, Sali Berisha akuzon kryeministrin Edi Rama se mban një qëndrim përçmues ndaj punonjësve në vend.

Duke folur në një tryezë me sindikatat, Berisha u ndal në një rast konkret, ku sipas tij, një pedagog i Universitetit të Sporteve u shkarkua sot me urdhrin direkt të Edi Ramës.

Berisha: Në situatën vërtetë dramatike në të cilën ndodhet sot Shqipëria, punonjësit, mësuesit, mjekët, minatorët, bizneset e vogla, të rinjtë, studentët, pensionistët, qytetarët me ndihmë ekonomike. Është një situatë e pashoqe, e pashembullt në Europë dhe më gjerë. Është një rrokullisje e madhe e gjendjes ekonomike, morale, në raport më dëshpërimin dhe pesimizmin, e mungesës së plotë të prespektivës me këtë qeveri, që siç jeni dëshmitarë vetë, nuk është gjë tjetër veç se një makineri gjigante mashtrimi ndaj qytetarëve shqiptarë, në çdo deklaratë, firmë, fjalë.

Është një makineri gjigante vjedhje e grabitje të shqiptarëve, një plaçkitëse e pashembullt e fondeve publike, e pasurive kombëtare, dhe vjedhje e pashembullt direkt në xhepat e qytetarëve me çmimet.

Ju jeni sindikalist, por ju siguroj se nuk ka pasur regjim kolonial që të ketë shfrytëzuar një popull të kolonizuar, siç e shfrytëzon me egërsi, Edi Rama dhe qeveria e tij, popullin shqiptar. Ju jeni dëshmitarë dhe i njihni, se si pasuritë përrallore të shqiptarëve, të cilat bëhen miliarda euro, me vlerën e tyre janë shndërruar në një mallkim të vërtetë për qytetarët e këtij vendi. Shfrytëzohen në mënyrë të egër nga klientela e qeverisë, kurse shqiptarët përfitojnë prej tyre, asgjë më shumë seç fitonin të kolonizuarit, nga fillimi i këtij shekulli nga shfrytëzimet e kompanive koloniale.

Ju jeni dëshmitarë se si rrogat mësuesve, mjekëve, infermierëve, të policëve, ushtarakëve, minatorëve, e sektorit privat, gjatë këtyre 9 viteve për shkak të mbi dyfishimit të çmimeve të produkteve bazë të jetesës, jo që nuk janë rritur, por sot të paktën 30 % më të ulëta se në vitin 2013.

Ju jeni dëshmitarë se çfarë përçmimi, qëllimi përçmues mbahet sot ndaj punonjësve në këtë vend, ndaj rrogëtarëve të këtij vendi. Çfarë satre e vërtetë qëndron mbi qafën e tyre me çmimet.

Çfarë mashtrimesh të mëdha bëhen. Firma për sipërmarrje fantazëm që shkojnë në 420 milionë euro, vendosen palë, palë dhe ndërmarrjet nuk ekzistojnë askund. Asnjë incenerator nuk është, tani pas 5 vitesh. Edhe i Elbasanit është jashtë funksionit. Janë me qindra punonjës që janë nxjerrë jashtë sistemeve me kritere strikte politike, jashtë çdo procedure dhe askund nuk gjejnë dot të drejtën e tyre.

Sot një pedagog në Universitetin e Sporteve, shkarkohet edhe pse Senati dhe Komisioni Etik voton kundër shkarkimit të tij, rektori tiran zbaton urdhrin e Ramës dhe e nxjerr nga sistemi. Raste të tilla janë me qindra. Nuk ka më të pasigurtë në botë se sa punonjësit në Shqipëri. Pak ditë më parë, solla një shembull, një mësuese model, 30 vite mësuese në shkollë të mesme dhe tani ja merr orët drejtori dhe i thonë ik në shpi. Nuk ndodh kund, nuk mund të ndodhë, nuk ka ligj që lejon një akt të tillë, të flakësh punonjësit si lecka, pasi kanë shkrirë jetën e tyre në të mirë të shoqërisë dhe profesionit.

Të fundit