Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha për 21 Janarin: Protestë e dhunshme me axhendë politike, Rama i solli protestuesit si mish për top për pushtetin

Politiko 21 Janar 2026, 14:24

Berisha për 21 Janarin: Protestë e dhunshme me axhendë politike,

Kreu i PD Sali Berisha u pyet gjatë konferencës për shtyp nga gazetarët edhe mbi çështjen e 21 Janarit.

Berisha tha se e ka dëshmuar edhe më herët se 21 Janari shënohet si protesta më e dhunshme në historinë e vendit, e nxitur nga një axhendë politike prej Edi Ramës. Ai vijoi më tej duke thënë se Rama po i përdor viktimat e 21 Janarit për të mbrojtur të korruptuarat e tij në qeveri.

“Unë i kam thënë të gjitha për këtë ngjarje. Kam shkuar dhe në prokurori e kam dëshmuar për këtë ngjarje, e cila ishte protesta më e dhunshme në historinë e vendit, e dokumentuar, e faktuar. Ishte protesta me axhendë politike, siç janë dokumentet ndërkombëtare. Ishte protesta e paralajmëruar e Edi Ramës, se do të tejkalohet kushtetuta, etj., me radhë. Edi Rama i solli ata si mish për top për pushtetin e tij. I solli si mish për top, për pushtetin e tij. Ina Rama e hetoi çështjen, por nuk guxoi kurrë të thërrasë Edi Ramën. Edi Rama kërkon të përdor këto viktima, për të shpëtuar Lindën e tij, veten e tij, Mirlindën e tij, Lubinë e tij”, tha Berisha.

Kreu i demokratëve vuri në dukje se përgjegjësia e tij për 21 Janarin është zbatimi i ligjit, pasi protestuesit sulmuan me gurë dritaren e kryeministrit. Ai deklaroi se Rama qëndronte përballë godinës së Kryeministrisë duke pritur të bastiste zyrën e tij.

“Nuk është përgjegjësia ime. Përgjegjësia ime, se unë kisha trajtuar me standardet më demokratike 752 protesta të opozitës në të 4-anët e vendit, pa asnjë cënim, por në përputhje me rregullat e një vendi demokratik. Përgjegjësia ime, se hidhnin gurë dhe plumba? E mohoi sot, por ato janë në dritare, të dokumentuara, plumbat dhe revolet e tyre janë të dokumentuara, drejt kryeministrit që ishte në detyrë. Nuk blindoja dyer unë, blind isha vetë unë. Nuk lëshoja zyrën unë, nuk bëja këtë frikacak që ja mbath. Jo unë në zyrë. Pse në zyrë? Se isha në të drejtën time, nuk i kisha borxh kujt. Edi Rama qëndronte në kullën karshi dhe priste çastin që të vinte në zyrën time dhe të ju mbante fjalim pushtuesve poshtë. Por ai nuk mund të merrte kurrë”, u shpreh Berisha.

Të fundit