Flash News

Vijon numërimi në Tiranë, ja si ndahen votat dhe mandatet deri tani

Numërohen kutitë e para, PD-ASHM kryeson në Krujë

Foto/ Sherr në një qendër numërimi në Kukës, policia tenton të ndalojë të riu

PD kryeson në Njësinë 2 në Tiranë

Numërohen 5 kuti në qarkun e Gjirokastrës, ja si ndahen votat

Ditari i Opozitës

Berisha për tjetërsimin e votës: Kush shkel ligjin do të mbahet përgjegjës

Politiko 11 Maj 2025, 13:26

Berisha për tjetërsimin e votës: Kush shkel ligjin do të

Kryetari i Partisë Demokratike, Sali Berisha, ka bërë thirrje për pjesëmarrje masive në zgjedhjet parlamentare të 11 majit, duke e cilësuar votën si një detyrim madhor ndaj vetes, familjes dhe kombit.

Në një deklaratë për mediat, ai falënderoi qytetarët që kanë votuar deri tani, si dhe mijëra emigrantë që janë kthyer në atdhe për të ushtruar të drejtën e votës, ndërsa paralajmëroi se çdo përpjekje për shkelje të ligjit do të përballet me përgjegjësi të plotë.

Berisha: “Falënderoj ata qytetarë që gjer tani kanë hedhur votën e tyre, kanë votuar duke kryer kështu një detyrim madhor të çdo shqiptari mbi moshën 18-vjeçare. Detyrim madhor ndaj vetes, familjes, shoqërisë, Shqipërisë dhe kombit.

Një falënderim i veçantë dhe mirënjohje e pakufishme për ata mijëra e mijëra shqiptare dhe shqiptarë që nuk u regjistruan dot për shkak të burokracirave dhe frikës së qeverisë ndaj votës së tyre, por kanë vërshuar nga ajri, nga toka dhe nga deti dhe janë dyndur sot dhe po votojnë në Shqipëri.

Mirënjohja ime është e pakufishme ndaj tyre. Ata me votën e tyre i gjenden vendit dhe kombit në një moment, në të cilin kanë nevojë shumë të madhe. Së fundmi, edhe njëherë thirrja ime është për çdo shqiptar: voto, voto, voto për veten tënde, për fëmijët e tu, për vendin tënd, për të ardhmen tënde, të fëmijëve të tu, për biznesin, për rrogat, për pensionet, për fermën.

Pra, është një votim më shumë se kurrë për interesat më të rëndësishme të çdo qytetari. Tani, çdo gjë ka një vëzhgim ndërkombëtar shumë serioz dhe vëzhgim kombëtar po kaq serioz. Dhe secili që merr përsipër të shkelë ligjin në këtë proces, do bëhet përgjegjës në mënyrë absolute. Një gjë mund t’u them se sot sovrani jep një verdikt historik…

…Unë them sot sovrani do japë një verdikt historik dhe kjo është e vërteta. Po cili është ai që nuk i bindet historisë? Pra, kështu është kjo”

Të fundit