Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Përmes Baton Stanishiqit, Rama njoftoi se po bën ligj për të mos lejuar arrestimet e zyrtarëve

Politiko 24 Shkurt 2026, 13:06

Berisha: Përmes Baton Stanishiqit, Rama njoftoi se po bën ligj

Kryetari i Partisë Demokratike, Sali Berisha, akuzoi në një konferencë me gazetarët sërish kryeministrin Edi Rama se po përpiqet të ndryshojë ligjet për të mbrojtur zyrtarët nga arrestimet gjatë hetimeve, duke shkelur Kushtetutën dhe parimin e barazisë para ligjit.

Sipas Berishës, Rama përdor të tjerë për të bërë publike projektligjin që e mbulon veten dhe zyrtarët e tij, ndërsa qytetarët shqiptarë dhe institucionet e pavarura përballen me një rrezik serioz për sundimin e ligjit dhe transparencën.

Berisha: Në dosjen Balluku, nga 6500 mesazhe, 3800 janë të Edi Ramës.
Në një aspekt, Balluku është thjesht një shërbëtore e tij. Mirë t’i bëhet.
Por, dosja më e tmerrshme, më e pashembullt, është AKSHI.
Është AKSHI me të cilin, Edi Rama plaçkiti nëpërmjet baxhanakut me qindra tendera sekrete në kundërshtim me ligjin, qindra e qindra milionë euro.
Jo vetëm kaq, por aty me Ergys Agasin, Mirlindën e AKSHI-t, plaçkitën të dhënat personale të të gjithë shqiptarëve.
Vunë në kontroll cilindo shqiptar dhe të huaj që dëshironin.
Urdhëruan marrje peng, u morën peng, u emëruan dhe u shkarkuan ministra, që të gjitha në përputhje me interesat kriminale Rama-Agasi.
Pra, Edi Rama duhet të japë urgjentisht dorëheqjen.
Revolta dhe zemërimi i qytetarëve ndaj Edi Ramës po arrin nivelet e revoltës dhe zemërimit të qytetarëve shqiptarë ndaj kultit të Enver Hoxhës.
Çka do të thotë se do bëhet e papërmbajtshme, çka do të thotë se në mënyrë të pashmangshme do ketë fatin e kultit të tij.
Prandaj jep menjëherë dorëheqjen.
Përpjekjet e Edi Ramës për të përdorur së pari Lubinë si parzmore, për të mbrojtur Lubinë për të mos i hequr imunitetin, për të mos e shkarkuar, nuk janë gjë tjetër vetëm përpjekje për të mbrojtur veten e tij.
Akoma më skandaloze janë përpjekjet e tij për të ndryshuar ligjet, për të shkelmuar Kushtetutën, për të cilësuar si persona të pa pezullueshëm edhe ata të cilët në seri i pezullon vetë Kushtetuta.
Vetë Kushtetuta ka parashikuar pezullimin e tyre nga Kushtetuta, dhe kur Kushtetuta parashikon pezullimin nga detyra të gjykatësit të Gjykatës së Lartë, të gjykatësit të Gjykatës së Lartë, të kryetarit të KLSH, të Avokatit të Popullit, parashikon procedurën e shkarkimit të presidentit të Republikës, Edi Rama është i pashpresë, i dështuar.
Asnjë ligj të tillë shqiptarët nuk do e pranojnë.
Tani, nëpërmjet zëdhënësit të tij, Baton Stanishiq, informon publikon se ka ndërmend të amendojë kodin, në të cilin të shkelmojë me dy këmbë Kushtetutën dhe nenet e saj që garantojnë barazinë para ligjit të qytetarëve shqiptarë.
Tani, ai thotë, njëlloj si në veprat e Oruellit, se të gjithë jemi të barabartë në fermën e derrave, por disa derra janë më më të barabartë se të tjerët.
Kështu ka përgatitur projektligjin për të mos lejuar arrestimin e zyrtarëve publikë pa një vendim të formës së prerë të gjykatës.
Dhe të gjithë të tjerët po.
Mjafton ky moment për të nxjerrë në pah shpirtin e tij të zi, të trazuar, përroin e tij psikik, që nuk njeh asnjë kufi, asnjë limit.
Harron që për këtë qëllim janë prerë koka mbretërish shekuj më parë.
Harron se para ligjit ka shekuj që qytetarët konsiderohen të barabartë.