Berisha: Prej 70 ditësh jam në ‘arrest shtëpie’ sepse Rama e di mirë se nuk ka më fitore për të

Kreu i PD, Sali Berisha deklaron se tashmë kanë kaluar 70 ditë që ndodhet në ‘arrest shtëpie’.

Nga tubimi qytetar, Berisha thotë se kjo po ndodh sepse Edi Rama e di mirë se nuk ka më fitore dhe se do marrë atë që meriton.

Berisha: Ju e patë, pa vulë, pa logo, pa emër në fletë votimi, pa kryetar koalicioni, pa asnjë qindarkë për 61 kandidatë.

Ju e patë, duke ndryshuar qendrat e votimit të 1.3 milionë zgjedhësve.

Ju e patë, pa komisionerë në qendrat e votimit dhe gjysmë milionë shqiptarë hodhën votat.

Ju i patë bandat vrastare, vrasësit serialë se si terrorizuan Shkodrën, Durrësin, Elbasanin, Lezhën, Kurbinin dhe shumë qytete të tjera.

Ndaj dhe asnjë njeri nuk duhet të mashtrohet.

Ne jemi fitimtarë, ne jemi fitimtarë, ne jemi fitimtarë.

Sali Berisha prej 70 ditësh ndodhet në arrest shtëpie sepse Edi Rama e di mirë se nuk ka të ardhme, se nuk ka më fitore, se do marrë atë që meriton.

Shqipëria pret shpëtimin dhe shpresa e vetme e saj është PD.

Shpresa e vetme e saj është opozita.

Ndaj dhe ne të ngrihemi në lartësinë e idealeve tona. E dashurisë tonë për këtë vend.

Të krijojmë qeverinë teknike. Zgjedhjet e lira. Opozita në pushtet.