Flash News

"Kush je ti mo"/ Tensione te Komisioni i Shëndetësisë, Vokshi përplaset me Ndrecën

Garda ndalon opozitën të futet në Komisionin e Sterilizimit

Sherr me thika në Shkozë, plagoset një person

Nuk deklaroi apartamentin në bregdet, GJKKO dënon me 2 vite shërbim prove Fatos Tushen

Itali/ Shqiptari vret bashkëshorten në sy të dy fëmijëve të mitur

Ditari i Opozitës

Berisha prezanton kandidatin e koalicionit “Bashkë Fitojmë” për Kuçovën, Maliqi: Zgjedhjet i fitojmë bindshëm

Politiko 28 Mars 2023, 19:21

Berisha prezanton kandidatin e koalicionit “Bashkë

Kreu demokrat Sali Berisha pas vizitave në qytete të ndryshme të Shqipërisë, në kuadër të fushatës për zgjedhjet e 14 majit, sot ndodhet në Bashkinë Kuçovë, ku dhe po prezanton kandidatin e koalicionit “Bashkë Fitojmë”, Lefter Maliqin.

"Ju falënderoj shumë për këtë pritje kaq entuziaste. Ky entuziazëm është mesazhi më i fuqishëm që ju banorë të Kuçovës, ju përçillni shqiptarëve në të katër anët e vendit dhe në të katër anët e dheut. Për çdo shqiptar, sot Shqipëria është jo në krizë, por në rrokullisje të madhe.
Sot Shqipëria përjeton një gjendje, në disa aspekte të pashembullt në historinë e vet. Kurrë ndonjëherë ky vend, që ka njohur pushtime të gjata, mynxyra, nuk është shpopulluara dhe braktisur, aq sa është braktisur në këto 8 vite nën regjimin e Edi Ramës. Kurrë ndonjëherë nuk ka ndodhur që në një hark 8-vjeçar, jo me Shqipërinë, por me asnjë vend tjetër nuk ka ndodhur të largohen nga vendit 1/3 e popullatës. Kurrë ndonjëherë një komb nga asnjë luftë, asnjë mynxyrë nuk ka humbur në një kohë të shkurtër, më shumë se një gjeneratë sa kemi humbur ne.
Ndaj dhe ky entuziazëm, kjo energji është burim i fuqishëm frymëzimi, është burim i fuqishëm shprese, për banorët e Kuçovës dhe mbarë shqiptarët që në datën 14 maj të votojnë kandidatin e koalicionit ‘Bashkë Fitojmë’ Lefter Maliqin njërin nga qeveritarët vendorë më të përkushtuar të këtij vendi. Një bir të këtyre trevave, që pushtetin që i dhanë ju, e përdori për transformime, ndryshime, përmirësim të jetës tuaj, të kushteve tuaja, të punës tuaj në tërësi", ka thënë Berisha.

Kreu demokrat vijon më tej teksa shprehet se komunat në të cilat qeverisi Lefter Maliqi, pësuan ndryshime më thelbësore se shumë e shumë rajone e komuna të tjera të vendit, dëshmi kjo e përkushtimit, por edhe e ndershmërisë, transparencës, vizionit, dashurisë së tij për të ndryshuar çdo ditë realitetin ku jetoni.

"Lefter Maliqi në çdo detyre, ka qenë dhe ka dëshmuar një përkushtim të madh. Ai vjen sot si kandidat i koalicionit me mbështetje të plotë dhe totale të demokratëve, të qytetarëve, të Partisë së Lirisë dhe unë kam bindjen e madhe se këtu në Kuçovë, koalicioni ynë do të ketë një nga sukseset më të shkëlqyera", ka thënë Berisha.

Maliqi gjatë fjalës së tij përballë demokratëve u shpreh i bindur për fitoren e lokaleve të 14 Majit.

“Unë kam një bindje se përveç opozitës do na bashkohen edhe të majtët e ndershëm që janë të zhgënjyer nga qeverisja lokale”, tha Maliqi. Ai akuzoi se zyra e kryetarit të Bashkisë sot “është e ndotur me imoralitet e korrupsion”.

Maliqi premtoi investime në qytet dhe fshatra teksa tha se do të investohet në rrugën e Velagoshtit dhe urën e Bardhajt. “Qyteti dhe fshatrat do kthehen në kantier ndërtimi”, tha Maliqi, duke shtuar se do eliminohen tenderat korruptivë, që sipas tij zhvillon PS.

Po ashtu, ai paralajmëroi se nga kampi kundërshtar do të ketë tentativa për blerje votash e manipulime.

“13 dhe 14 Maji do bëjnë të pamundur për të ndarë lekë, për presione dhe manipulim”, tha Maliqi