Flash News

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

Ditari i Opozitës

Berisha pritet me entuziazëm dhe flamuj blu në Fier

Politiko 15 Prill 2025, 18:54

Berisha pritet me entuziazëm dhe flamuj blu në Fier

Lideri historik i Partisë Demokratike, Sali Berisha, ka zhvilluar sot një takim me strukturat dhe mbështetësit e PD-së në qytetin e Fierit, si pjesë e një turi kombëtar për mobilizimin e opozitës.

Në ambientet e shtabit të PD-së në Fier, Berisha u prit nga qindra mbështetës që brohoritën emrin e tij dhe valëvitën flamuj të partisë, duke dhënë një sinjal të qartë për rritjen e entuziazmit në radhët e opozitës.

Në krah të Berishës ishte deputeti Gazment Bardhi, drejtues politik i qarkut Fier, i cili ka pasur një rol të spikatur në denoncimin e qeverisë dhe organizimin e aksioneve opozitare.

Në fjalën e tij përpara të pranishmëve, Berisha dha një mesazh të fortë për nevojën e bashkimit dhe mobilizimit të të gjithë demokratëve, duke e cilësuar Fierin si një bastion të rëndësishëm të qëndresës ndaj regjimit aktual.

Mbështetësit e opozitës në Fier e kanë konsideruar këtë vizitë si një “frymëmarrje të re” për Partinë Demokratike në Jug të vendit dhe një tregues se partia po rikthehet në terren me më shumë energji dhe vendosmëri.

Deputeti Bardhi theksoi se përballja me qeverinë kërkon organizim në çdo degë dhe përfshirje të të gjithë anëtarëve dhe simpatizantëve, për të ndërtuar alternativën që qytetarët presin.

Të fundit