Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha pret në takim Dr. David Hosaflook: Zbardhi të vërtetën historike të rolit të protestantëve në Shqipëri

Politiko 13 Gusht 2025, 18:23

Berisha pret në takim Dr. David Hosaflook: Zbardhi të

Kreu i PD, Sali Berisha priti sot në takim Drejtorin Ekzekutiv të Institutit për Studime Shqiptare dhe Protestante, Dr. David Hosaflook.

Në një status të fundit në Facebook, Berisha shkruan se në takim biseduan për rolin e lëvizjes protestante që nga koha kur Shqipëria ishte ende nën Perandorinë Osmane, si dhe për ndikimin që kjo lëvizje ka pasur në përhapjen e arsimit dhe mësimit të gjuhës shqipe, duke filluar nga shkolla e parë shqipe për vajza, e hapur nëKorçë në vitin 1891.

Statusi:

Takim me Drejtorin Ekzekutiv të Institutit për Studime Shqiptare dhe Protestante, Dr. David Hosaflook
Të dashur miq!
Sot pata kënaqësinë të mirëprisja në zyrën time Drejtorin Ekzekutiv të Institutit për Studime Shqiptare dhe Protestante, Dr. David Hosaflook dhe ti shprehja atij mirënjohjen e thellë për kontributin e tij me studimet e tij të çmuara. Në takim biseduam për rolin e lëvizjes protestante që nga koha kur Shqipëria ishte ende nën Perandorinë Osmane, si dhe për ndikimin që kjo lëvizje ka pasur në përhapjen e arsimit dhe mësimit të gjuhës shqipe, duke filluar nga shkolla e parë shqipe për vajza, e hapur nëKorçë në vitin 1891.
Dr. Hosaflook ka dhënë një kontribut të shquar në zbardhjen e të vërtetës historike të rolit të protestantëve në Shqipëri, sidomos me botimin e veprës Lëvizja Protestante te shqiptarët, 1816–1908 dhe artikullin shkencor “Origjinat teologjike dhe gjeografike të protestantizmit në Shqipëri” (2018).
Ai ka sjellë në gjuhën moderne bashkëkohore angleze veprat “Rrethimii Shkodrës” të Marin Barletit, si dhe “Historia e Skënderbeut”, kjo e fundit e botuar që në vitin 1596 në anglishten e vjetër nga Zacharia Jones.
Sot këto dy libra janë të përdorshme për çdo anglishtfolës dhe autor në mbarë botën. Ai kishte sjellë me vete edhe një koleksion me libra të botuar nga Instituti i tij, në shenjë respekti dhe mirënjohjeje për mundësitë që janë dhënë për përhapjen e protestantizmit që nëvi tet e para të vendosjes së demokracisë dhe lejimit të ushtrimit të fesë pas atyre viteve të errëta të ateizmit në Shqipëri.
Me Dr. Hosaflook shkëmbyem gjithashtu mendime rreth interesit dhe të aktivitetit të Presidentit Jimmy Carter gjatë vizitës së tij për përhapjen e protestantizmit në Shqipëri, ideve dhe flijimit të Martin Luterit, i cili, për idealet e tij kundër të Reformës dhe luftës kundër korrupsionit, qëndroi deri në fund, edhe pse e dinte se e priste turrë drush.
Dr. Hosaflook shoqërohej nga ambasadori Mal Berisha, biografi i njërit prej figurave më të ndritura të protestantizmit dhe arsimit në Shqipëri – amerikanit Charles Telford Erickson – i cili ia kushtoi jetën e tij dhe të familjes kombit shqiptar. Pas pak ditësh, vepra e tij madhore, themelimi i Institutit Bujqësor Shqiptaro–Amerikan në Golem, që funksionon edhe sot, mbush plot 100 vjet nga krijimi.
Dr. Hosaflook të impresionon gjithashtu me shqipen e tij të pastër, të pasur dhe të bukur.