Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Problemi më madhor i ekonomisë sot janë oligopolet

Politiko 1 Prill 2026, 13:50

Berisha: Problemi më madhor i ekonomisë sot janë oligopolet

Nga mbledhja e grupit të PD, kryedemokrati Sali Berisha shprehu shqetësim për oligopolet në Shqipëri.

Berisha tha se tregu shqiptar është i mbizotëruar nga oligopolet të cilat sipas tij, po veprojnë si një antitreg duke mos iu përgjigjur konsumatorit.

Berisha: Sot, problemi më madhor i ekonomisë së tregut dhe qytetarëve shqiptarë, janë oligopolet. Gjatë këtyre javëve, me të drejtë, jemi ndalur tek oligopoli i hidrokarbureve, i naftës. Por, në tregun shqiptar nuk është ky i vetmi oligopol. Oligopol në tregun shqiptar është edhe kafshata. Oligopol është sheqeri. Është mishi. Oligopolet pra janë mamuthët e tregut. Nuk janë fenomen shqiptar, ose nuk janë vetëm shqiptar.

Por ndaj oligopoleve, shteti ligjor i garanton mbrojtje qytetarit nga abuzimi potencial i marrëveshjeve të fshehta midis anëtarëve të oligopoleve.

Në qoftë se ju merrni sot tregun e hidrokarbureve, janë disa kompani të licencuara. Në qoftë se merrni tregun e mishit, janë disa kompani të licencuara. Në qoftë se merrni tregun e sheqerit, janë disa kompani të licencuara. Por, këto licenca a shërbejnë këto për të rregulluar tregun apo në marrëveshje të fshehtë asgjësojnë konkurrencën?

Vetëkuptohet, oligopoli është një dukuri e ndërmjetme midis konkurrencës së ndershme dhe monopoleve. Oligopolet në Shqipëri nga një analizë arrijnë një veprimtari antitreg, antiqytetar. Kjo sepse peshojnë në kandar dhe blejnë me lecka nga Edi Rama e poshtë.

Të fundit