Flash News

Plagosja e dyfishtë në Sarandë, gjendet një armë zjarri e futur në çantë

Vllaznia kualifikohet në turin e dytë të Conference League, përmbys 2-4 Daugavpils

Aksidenti me 4 të plagosur në Librazhd-Qafë Thanë, 15-vjeçari niset me urgjencë drejt Traumës

Aksident në aksin Librazhd-Qafë Thanë, plagosen 4 anëtarë të një familjeje

Plagosja e dyfishtë në Sarandë, në kërkim vëllezërit e dyshuar si autorë, njëri i dënuar për vrasje

Ditari i Opozitës

Berisha publikon denoncimin: Mikrokreditë po çojnë qytetarët drejt vetëvrasjes, narkoshteti hesht

Politiko 4 Korrik 2025, 12:13

Berisha publikon denoncimin: Mikrokreditë po çojnë

Kryetari i PD, Sali Berisha, shkruan në një postim në Facebook, se situata me kompanitë e mikrokredisë në Shqipëri ka dalë jashtë çdo kontrolli

Një qytetar, në një denoncim të dëdërguar Berishës, tregon pasojat e përballjes me dy prej këtyre kompanive 'Iute Kredit' dhe 'Kredo.al'.

Ai tregon sesi për një kredi të vogël, është përballur me fatura të fryra dhe me kompani përmbarimore që kanë ushtruar presion jo vetëm mbi të, por edhe mbi familjarët e tij.

Berisha thotë se shqiptarët janë lënë nga qeveria në mëshirë të abuzuesve financiarë. 

"E dërgojnë drejt fatalitetit!

Dënoj me forcën më të madhe indiferencën e narkoshtetit!

 Lexoni denoncimin e qytetarit për mikrokreditë!

Përshëndetje Doktor Berisha. Jam një qytetar nga qyteti i Pukës dhe dua të bëj një ankesë, për 2 filiale mikrokredi, Iute Kredit dhe Kredo.al. Kam marrë tek këto kredi dhe ma morën shpirtin. Kam marrë 3.5 milion të vjetra tek njëra, si ka mundësi që japin dhe pa sigurime, pa marrëdhënie pune dhe pastaj vendosin lakun në fyt. Më kanë mbytur, sakatuar, me letra përmbarimi, me çdo gjë – vetëm banka nuk janë këto. Këto janë lekë me fajde. Më shkatërruan totalisht. A ka mundësi ta bësh një shkrim, një ankesë apo diçka, verifiko dhe shiko se na shkatërruan me presione kompanitë përmbaruese, po më çojnë drejt vetëvrasjes. Çfarë janë këto filiale, që mirë që me mua merren, por telefonojnë familjarët, vëllezër, motra, grua, nënën, babanë. Unë jam ndarë me familjen që 10 vite. Të lutem bëj diçka sepse nuk jam i pari – na shkatërruan fare. A i vra para SPAK-ut burri i huaj? Bëri vetëvrasje sepse e shkatërruan këto banka.

Kam marrë 2.5 milion dhe e kam lënë 35 ditë pa paguar këstin e parë dhe më ka shkuar kredia totale 5.2 milion, dhe ma kanë kaluar me studio ligjore. Studio ligjore fut dhe 30 përqind të principalit të mbetur që do me thënë miliona lekë pa fund.

Më kanë shkatërruar, po më çojnë drejt vetëvrasjes", shkruan Berisha.

Të fundit