Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha publikon shifrat: Çmimet stratosferike të naftës vijnë edhe për shkak të kontrabandës qeveritare të karburanteve

Politiko 6 Janar 2025, 12:44

Berisha publikon shifrat: Çmimet stratosferike të naftës

Kryetari i Partisë Demokratike, Sali Berisha, ka theksuar se çmimi i naftës dhe situata e automjeteve në Shqipëri janë pasojë e politikave të gabuara dhe abuzimeve qeveritare.

Berisha ka akuzuar qeverinë për kontrabandë nafte dhe për rritjen e çmimeve të mallrave që ndikojnë negativisht te qytetarët.

Ai ka bërë një krahasim mes Shqipërisë dhe Kosovës, duke vënë në dukje se çmimet e naftës në këtë të fundit janë më të ulëta, edhe pse ajo nuk prodhon naftë.

Në fjalën e tij, në konferencën për shtyp Berisha ka theksuar gjithashtu se kontrabanda e naftës është një aktivitet që nuk mund të ndodhë pa mbështetje dhe pjesëmarrje të drejtpërdrejtë të qeveritarëve.

Berisha: Pra, është qeveria me absurditetin dhe pangopshmërinë e saj që ndikon në këtë çmim, në parimin se ata që kanë makina, kanë edhe para për të blerë.
Po se kjo ndikon te të gjithë qytetarët në çmimet e mallrave që blejnë, kjo ka pak rëndësi për ta.
Por edhe ata që kanë makina, pjesa dërrmuse e tyre janë të mesëm dhe poshtë në të ardhurat që kanë.
Dhe është një qëndrim totalisht i vjetër, anakronik. Për vete shëtit me ‘Ismailin’, 21 milionë euro me 140 fluturime, kurse shqiptarët, thotë, makinat nuk duhet t’i përdorin ose le të bëjnë ç’të duan.
Por a është vetëm kjo shkaku i këtij çmimi stratosferik? Jo, nuk është vetëm kjo. Cila është tjetër? Kontrabanda qeveritare e naftës.
Të dashur qytetarë dhe qytetare, nafta nuk mund të kontrabandohet pa bekimin direkt të qeveritarëve dhe pjesëmarrjes së tyre.
Po nga dalin të dhënat për këtë kontrabandë?
Shqipëria kishte në vitin 2024, 868 mijë automjete.
Kosova ka gjithsej 445 mijë automjete, pra pothuajse gjysëm për gjysëm më pak.
Por Kosova, me gjysmën e automjeteve të Shqipërisë, e cila nuk nxjerr asnjë ton naftë, zhdoganon 630 mijë ton naftë, kundrejt Shqipërisë me 550 mijë ton naftë.
Po, janë të dhëna zyrtare këto.
Urdhëroni se çfarë ndodh, gjykojeni vetë, në një kohë kur Shqipëria prodhon rreth 1 milion ton naftë, Kosova nuk prodhon asnjë litër. Maqedonia nuk prodhon asnjë litër, por cmimet atje janë të paktën 40 përqind më të ulëta se në Shqipëri.
Besoj se paraqitëm këtu disa të dhëna të abuzimit qeveritar të tmerrshëm me naftën.
Pra, për t’u theksuar, Shqipëria në vitin 2013 me 480 mijë automjete, zhdoganonte 700 mijë ton naftë. Kurse Shqipëria sot me dyfishin e automjeteve, zhdoganon 630 mijë ton naftë.
Nafta, siç e shihni, është ari i zi me të cilin qeveritarët dhe kontrabandistët vjedhin më shumë se me çdo gjë.
Tani, edhe njëherë e them, kontrabanda e naftës është kontrabandë qeveritare. Transportohet me tren ose anije.
Në vitin 2013, kishte 30 kompani të licencuara për naftën, sot janë reduktuar në 5 kompani.

ZYRA E MEDIAS DHE KOMUNIKIMIT, PARTIA DEMOKRATIKE