Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha thirrje kryebashkiakut në detyrë të Tropojës: Hiqi titullin “Qytetar Nderi” Mcgonigalit, është turp i madh

Politiko 4 Prill 2023, 12:36

Berisha thirrje kryebashkiakut në detyrë të Tropojës: Hiqi

Sali Berisha nga Tropoja u shpreh se në mbledhjen e parë të këshillit bashkiak pas 14 majit do të merret vendimi për heqjen e titullit “Qytetar Nderi” të këtij vendi Charles Mcgonigal.

Kryedemokrati i bëri thirrje thirrje kryebashkiakut aktual Rexh Byberit që t’ia heqë atë titull ish-zyrtarit të lartë të FBI-së para se të largohet me votë.

"Në këto zgjedhje është jetike që secili prej jush ta bëjë natën ditë, të punojë me gjithë mundësitë e tij, të trokasë në çdo derë dhe zemër për të shpjeguar rëndësinë jetike të këtyre zgjedhjeve. Mediat i kontrollon barbarisht Edi Rama, shqiptarët përjetojnë një diktaturë të mashtrimit mediatik."

"Por atë që nuk mund të bëjë Edi Rama, që nuk e ndalon askush, janë takimet me njëri-tjetrin. Ndaj dhe ne do të tejkalojmë me përpjekjen tona të gjithë terrorin mediatik që ushtrohet përmes mashtrimeve, relativizmit, falsitetit."

"Edi Rama ka prodhuar kompani që janë të specializuara për të prodhuar shpifje dhe lajme të rreme nga mëngjesi deri në darkë sepse dëshiron të shpëtojë nga faktet e vjedhjes dhe tradhtisë së tij."

"Rexhë, po vazhdove, nuk ndalesh në gabimin tënd. Mirë është që para se të ikësh, tradhtarit të kombit amerikan, t’ia heqësh atë qytetari nderi, se ajo është qytetari turpi Të garantoj se miku yt, Edi Rama do ketë fatin e tij."

"Ai do përfundojë siç përfundoi McGonigal dhe të tjerë që janë implikuar, ndaj të paktën mos e lër atë titull aty se është i turpshëm. Në mbledhjen e parë të Këshillit Bashkiak do i hiqet titulli si tradhtar i kombit amerikan. Ju falënderoj për këtë entuziazëm dhe pritje. 14 maji do jetë dita e ndryshimit, dita e fitores.", deklaroi Berisha.

 

Të fundit