Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Rama kriminalizoi drejtësinë, qytetarët paguajnë qimet e kokës për drejtësi

Politiko 7 Tetor 2025, 13:02

Berisha: Rama kriminalizoi drejtësinë, qytetarët paguajnë

Kryedemokrati Sali Berisha ka reaguar ashpër pas ekzekutimit të gjyqtarit të Apelit në Tiranë, Astrit Kalaja, duke e cilësuar ngjarjen si një akt horror që nxjerr në pah shkallën ekstreme të korrupsionit dhe degradimit të sistemit të drejtësisë në vend.

Berisha tha se asgjë nuk mund të justifikojë marrjen e jetës së një njeriu, aq më pak të një magjistrati që ushtron detyrën, por theksoi se ky krim i rëndë dëshmon për “kalbëzimin e plotë të drejtësisë shqiptare”, e cila sipas tij është nën kontrollin e “narkoshtetit të Ramaduros”.

Duke iu referuar raporteve të organizatave ndërkombëtare, Berisha u shpreh se korrupsioni në gjykata dhe prokurori ka arritur përmasa alarmante, duke e kthyer drejtësinë në një mall që blihet me para.

Ai e quajti “përdorimin e drejtësisë si armë politike” nga qeveria si “kriminalizimin dhe dështimin më të madh që Ramaduro i ka bërë këtij sistemi”, duke theksuar se asnjëherë më parë drejtësia shqiptare nuk ka qenë në një gjendje kaq dramatike sa sot.

“Duke theksuar përsëri se asgjë nuk përligj krimin horror, ekzekutimin e gjykatësit në sallën e gjyqit, por askush nuk mund të mohojë se ai krim makabër dëshmon për shkallën e tmerrshme të korrupsionit të gjithanshëm që ka pushtuar vendin, dhe në rastin konkret, sistemin e drejtësisë, siç faktohet kjo nga organizatat prestigjioze ndërkombëtare.

Sot ryshfeti dhe gjoba për qytetarin shqiptar në sistemin e drejtësisë është shumëfishuar krahasuar kjo me çdo kohë para saj.

Qytetarët shqiptarë duhet të paguajnë qimet e kokës vetëm e vetëm për të mundur me afrue shqyrtimin e dosjes së tyre nga gjykata.

Pale pastaj për vendimin.

Sot, dosjet e prokurorëve dhe gjykatësve janë objekt falsifikimesh, manipulimesh, zhdukjesh dokumentesh, krimi flagrant pra, absolutisht njëlloj si në kohën kur ato administroheshin nga hetuesit e sigurimit të shtetit apo gjykatat popullore të diktaturës.

Së fundmi theksoj se asgjë nuk përligj absolutisht asgjë, marrjen e jetës së një njeriut, aq më tepër të një gjykatësi në drejtësi, por përdorimi i drejtësisë si armë politike nga narkoshteti është kriminalizimi dhe dështimi i saj më i madh që Ramaduro i ka bërë këtij sistemi.

Kurrë ndonjëherë drejtësia jonë nuk ka qenë në gjendje dramatike që është sot.”

Të fundit