Flash News

E rëndë në Tale të Lezhës! Ekzekutohet në oborrin e banesës 57-vjeçari

Plagosja e djeshme në Durrës, 36-vjeçari ishte me dy të mitur në makinë kur u qëllua

AMP arreston në flagrancë dy punonjës policie dhe pezullon nga detyra një tjetër

Alarmi për bombë në një hotel në Tiranë, çfarë zbuloi policia

Video/ Alarmi për bombë në parkingun e një hoteli në Tiranë, reagon policia

Ditari i Opozitës

Berisha: Rama ka bërë pronare në Gjipe edhe vampiren Vilma Nushi

Politiko 7 Gusht 2024, 21:09

Berisha: Rama ka bërë pronare në Gjipe edhe vampiren Vilma Nushi

Kreu i PD, Sali Berisha akuzon kryeministrin Edi Rama se ka bërë pronare në Gjipe edhe biznesmenen Vilma Nushi.

Nga tubimi qyetetar, Berisha tha se kjo grua meplaçkitjen e saj çon në botën tjetër qindra e mijëra shqiptarë të pamjekuar, pasi  ka marrë 90 milionë euro gjer sot me check-upin. 

Berisha: U ndala tek këta papagaj të mandateve të vjedhura sepse për çdo shqiptar që do që vota e tij të shprehë vullnetin e tij të lirë, të numërohet siç përcakton Kushtetuta, këta përpiqen të justifikojnë, përpiqen të përligjin rrëmbimin e mandateve mbi dhunimin e të drejtave kushtetuese të shqiptarëve.

Përpiqen këta horra që kanë nacionalizmin si strofull të fundit, nuk kanë dinjitet as liri, janë mercenarë të gatshëm për çdo mision të padronit të tyre.
Vangjel, e vura re se kishe shprehur gëzim.
Mendohu mirë, më mirë dorëzoje atë mandat se ke kryer një akt që do hyjë në histori.
Himara nuk të votoi, lexo rezultatin.
Mandatin e grabite me Edi Ramën, e grabite për pronat e Edi Ramës dhe të mafies së Edi Ramës.
E grabite sepse Edi Rama me klanin e tij mafioz po rrëmben aty 224 mijë metra katrorë tokë në zonën më panoramike, në zonën më turistike të bregut, me të cilën e lidh vetëm vjedhja, vjedhja, vjedhja.
Miqtë e mi, në Gjipe, Edi Rama ka bërë pronar edhe vampiren Vilma Nushi, gruan e kushëririt.
Tani kuptohet vjedhja e përbashkët.
Shqiptarët duhet ta dinë se kjo grua e pamëshirë, që me plaçkitjen e saj çon në botën tjetër qindra e mijëra shqiptarë të pamjekuar, duhet ta dinë se pas të gjitha zvogëlimeve është detyruar të shpallë një fitim me check-upin prej 75 përqind.
Shqiptarët duhet ta dinë se Edi Rama ndan me gruan e kushëririt të tij për në Gjipe.
Ajo ka marrë 90 milionë euro gjer sot me check-upin.
Ndërsa pak para kësaj proteste, një gazetar i shquar, një publicist, një intelektual më njoftonte se ai shkoi në farmaci të marrë ilaçin, por farmacistja i tha se ky ilaç është hequr nga rimbursimi, se Edi Rama ka ndryshuar listën e rimbursimit.
Dhe se ky ilaç tani vjen nga Turqia dhe mjekimi yt për një muaj tani kushton 60 mijë lekë.
Imagjinoni miq, të heqësh dhe rimbursimin dhe t’i japësh Vilma Nushit 90 milionë euro, po a ka krim më të shëmtuar?

Të fundit