Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Rama kishte përgatitur ekzekutimin e protestuesve, 4 prej tyre u qëlluan nga snajperët e Sokol Bizhgës

Politiko 11 Shkurt 2026, 13:05

Berisha: Rama kishte përgatitur ekzekutimin e protestuesve, 4 prej tyre u

Kreu i Partisë Demokratike, Sali Berisha, akuzoi qeverinë se kishte përgatitur një plandhune gjatë protestës së djeshme kundër protestuesve paqësorë.

Në një konferencë me gazetarët, Berisha deklaroi se katër qytetarë u qëlluan në kokë, nga forcat e drejtuara nga Sokol Bizhga, një emër që sipas Berishës përfaqëson “krimin dhe tradhtinë” brenda policisë.  

Berisha: Por në qoftë se kjo ishte madhështia e qytetarëve, revoltës së tyre, kryengritjes së tyre paqësore, i shëmtuar, antiligjor ishte reagimi i narkoqeverisë, i organizatës kriminale me në krye Edi Ramën ndaj protestuesve paqësorë.
Të tmerruar nga urtia dhe qëndrueshmëria e protestuesve, Edi Rama kishte përgatitur skenarin e gjakderdhjes.
Kishte përgatitur ekzekutimin e protestuesve paqësorë në shesh.
Për këtë qëllim ai kishte vënë në komandë, në krye të banditëve me uniformë, kriminelin famëzi Sokol Bizhga, njeriun që dorëzoi tek bandat oficerin e policisë Gjergj Mehmeti që ndodhej në makinë me të.
Dhe ky shpëtoi, kurse atë e dogjën të gjallë banditët në rrugën Sarandë-Gjirokastër.
Gjergj Mehmeti u tradhtua nga një i pabesë që meriton të gjitha dënimet për tradhtinë e tij.
Dhe ky kriminel është sot në pozitat më të larta në policinë e Edi Ramës.
Ky urdhëroi snajperët të qëllojnë katër protestues, të cilët në mënyrë absolute nuk po kryenin asnjë veprim ndaj policëve të rendit.
Jo.
Ilir Tufi, protestues i vazhdueshëm në protestat tona, po filmonte, në një kohë kur e godasin snajperët në ballë.
Goditja me plumba gome në kokë provohet në të shumtën e rasteve vdekjeprurëse.
Tjetër, Luan Lleshi i goditur edhe ai pa asnjë motiv.
Demë Dollapi, i goditur edhe ai në kokë. Me plagë.
Dhe një zonjë.
Pra, janë katër protestues të plagosur, të qëlluar tre prej tyre në kokë, me qëllim eliminimin fizik të tyre.

Të fundit