Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Opozitës

Berisha: Rama plaçkit pasuritë e shqiptarëve me sojin dhe sorollopin e tij

Politiko 18 Maj 2024, 20:38

Berisha: Rama plaçkit pasuritë e shqiptarëve me sojin dhe

Kryetari i Partisë Demokratike, Sali Berisha gjatë fjalës së tij në tubimin qytetar, akuzoi kryeministrin Edi Ramën dhe qeverinë e tij, se plaçkit pasurinë e shqiptarëve.

"Të dashur qëndrestarë dhe qendrestare, misonarë të vërtetë të kauzës së madhe të shqiptarëve, të kauzës së shpëtimit, lirisë dhe dinjitetit.
Të dashur miq, çdo orë dhe çdo ditë bëhet e qartë si drita e diellit se sot qytetari shqiptar në çdo zyrtar të lartë ka një armik të egër të qenies së tij.
Se sot tek kreu i qeverisë shqiptarët kanë armikun më të egër që kanë njohur në historinë e tyre.
Kanë hajdutin që gjatë kohës si kryetar bashkie u akuzua zyrtarisht në raportin e OSBE-së se ka fshehur 200 milionë euro në bankat offshore.
Se ndërtoi sarajet e Surrelit me themelet 57 metra të gjata dhe oborr-park 5 mijë metra, në një kohë kur kishte të deklaruar gjithsej 3800 euro dhe 400 mijë lekë në ILDKP.
Tek kreu i qeverisë shqiptarët kanë armikun e egër të qenies së tyre, sepse për të vjedhur 100 përqind paratë e inceneratorit të Tiranës me Erion Veliajn, firmos, i jep bonusin 8 përqind kompanisë së tij pa pronar, pa seli, pa bilanc, pa administrator dhe pa regjistruar askund tjetër veçse në mendjen e tij si hajdut.
Shqiptarët që i thonë vjedhësit armik i qenies së tyre, kanë te Edi Rama armikun më të egër të kohërave, njeriun që portin shekullor, portin e Durrësit po e shndërron në Dubai City-n e tij për sojin dhe sorollopin me arabin e vet, si e si t’u vjedhë shqiptarëve vetëm tokë publike truall rreth 4 miliardë euro vlerë.
Miqtë e mi, sot zyrat e regjimit janë të mbushura me armiq të egër tuaj.
Tek Edi Rama ju keni armikun, i cili me sojin dhe sorollopin e tij familjar, plaçkit dhe grabit pasuritë publike të shqiptarëve.
Qindra tendera baxhanaku i tij i pangopur ka marrë nga paratë publike të shqiptarëve.
Me dhjetëra e dhjetëra tendera merr thjeshtra e tij në kundërshtim me ligjin dhe Kushtetutën.

Të fundit