Flash News

Transportonte emigrantë të paligjshëm, arrestohet 24-vjeçari në Sarandë

EMRI/ Gjendet i vdekur brenda një shpelle i moshuari në Lezhë

Vrasja e kryekomisarit Artan Cuku, Gjykata e Tiranës dënon me burg përjetë dy autorët

I akuzuar për vrasje, Europol në kërkim të kriminelit shqiptar (EMRI)

U ekstradua nga Zimbabve, GJKKO lë në burg administratorin e inceneratorit të Fierit

Ditari i Opozitës

Berisha: Rama po censuron skandalin e abuzimit me fondet e taksapaguesve amerikanë nga e shoqja dhe ish-bashkëshortja

Politiko 19 Shkurt 2025, 12:40

Berisha: Rama po censuron skandalin e abuzimit me fondet e taksapaguesve

Kreu i demokratëve Sali Berisha tha në një deklaratë për mediat nga selia blu se kryeministri Rama po mundohet të censurojë skandalin e abuzimit me fondet e taksapaguesve amerikanë nga e shoqja dhe ish-bashkëshortja.

Berisha deklaroi se sipas auditeve të para në SHBA faktojnë se paratë e taksapaguesve amerikanë u përdorën për të pasuruar elitat e korruptuara të ekstremit të majtë në vendet e tjera të botës.

“Narkoqeveria e Edi Ramës ka vendosur censurën më të plotë, po mbulon me terrin më të zi një nga skandalet më të mëdha ndërkombëtare të rrethit të tij familjar, siç është abuzimi me miliona e miliona euro dhe dollarë të taksapaguesve amerikanë nga ish-bashkëshortja e Edi Ramës dhe bashkëshortja e tij aktuale.

Auditet e para në SHBA faktojnë se paratë e taksapaguesve amerikanë u përdorën për të pasuruar elitat e korruptuara të ekstremit të majtë në vendet e tjera të botës.

Në rast se ka një rast më klasik të abuzimit ekstrem me paratë e taksapaguesve të SHBA, në Shqipëri në krye të listës qëndrojnë dy zonja, Linda Rama, bashkëshortja aktuale e kryeministrit, e cila në dhjetëra e dhjetëra projekte të saj, me fondacionin Shqipëria e Hapur, me UNDP-në dhe të tjera, ka përfituar shuma marramendëse në kundërshtime flagrante me ligjet themelore të antikorrupsionit.

Ajo përbën një rast unik në planet, kur bashkëshortja e kryeministrit, paguhet me paratë e taksapaguesve të vendeve të tjera dhe kryesisht të SHBA për të bërë raporte për veprimtarinë e qeverisë së burrit të vet.

Ky është një rast kulmor flagrance që fakton se gjer ku arrin makutëria e enturazhit të Edi Ramës dhe se për pasurimin e tij familjar, Edi Rama nuk respekton asnjë ligj, asnjë parim kombëtar as ndërkombëtar.

Edi Rama ishte i detyruar të përjashtonte bashkëshorten e tij nga çdo lloj studimi që lidhej me qeverinë e tij.

Por është bërë e kundërta, jam unë që kohë më parë kam denoncuar faktin e vizitave, e shoqëruar nga ministra, dhe i kam denoncuar me emër dhe mbiemër, ku Linda Rama debatonte dhe gjente tema për projektet e studimit të saj në agjencitë dhe zyrat e qeverisë.

Pra, përdoreshin ato. Aktivitet absolutisht flagrant i shpërdorimit të detyrës dhe shpërdorimit të fondeve”, deklaroi Berisha.

Të fundit