Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Rama shpenzoi 30 mijë euro për të shkuar në Korçë me dy helikopterë, qytetarët ta gjuajnë me vezë

Politiko 23 Shkurt 2026, 12:59

Berisha: Rama shpenzoi 30 mijë euro për të shkuar në

Kreu i PD, Sali Berisha akuzon kryeministrin Edi Rama se shpenzoi 30 mijë euro për të shkuar në Korçë me dy helikopterë, kurse qytetarët mbeten të izoluar prej tri ditësh prej rrëshqitjes së tokës në aksin Prrenjas-Librazhd.

Duke folur në një konferencë me gazetarët, Berisha tha se e gjithë juglindja e vendit është e dënuar nga një shembje e krijuar nga dora e njeriut të korruptuar.

Berisha: Ajo që po ndodh me të gjithë juglindjen e vendit është dëshmia më flagrante se si korrupsioni mund të godasë pothuaj 1/3-tën apo 1/4-tën e shqiptarëve.

Prej tri ditësh, e gjithë juglindja e vendit është e dënuar nga një shembje e krijuar, absolutisht nga dora kriminale e njeriut të korruptuar.
E pabesueshme!
Është një shembje e rrugës dhe urës që nuk mund të ndodhte kurrë, në qoftë se nuk do t’i gërryenin lumin dhe mbështetjen e saj në skarpatin në lumë.
Pa asnjë model është ndërhyrë në lumë dhe është shembur ura, hekurudha dhe rruga.
Shembje që nuk kanë asnjë lidhje as me motin, as me mbipesha, por janë krejtësisht nga dora e njeriut.
Dhe, siç keni parë, nuk ka mbetur segment rruge të ndërtuar nga dyshja Rama-Balluku që të mos jetë shembur.
Shembet rruga Kuç-Fterë e Lumit të Vlorës.
Shembet rruga në një fshat tjetër në Korçë.
Shemben rrugët në të katërta anët e vendit sikur të ishin të ndërtuara me kashtë dhe jo me strukturat e duhura të ndërtimit.
Të gjitha janë vepra të korrupsionit.
Ajo që është më dramatike se vetë shembja është heshtja kriminale e organeve të prokurorisë.
Asnjë të arrestuar, asnjë të marrë në ndjekje, që të gjitha rrugët pa përjashtim të shembura.
Shembet unaza e Burrelit. Shembet Rruga e Arbrit. Shembje, shembje dhe kudo vetëm shembje dhe sikur ato i kanë ndërtuar alienët dhe jo kompani të kontraktuara nga qeveria me paratë e taksapaguesve.
Nuk veprohet sepse paratë janë ndarë me qeveritarët.
Kurse vetë Edi Rama fluturon në Korçë me 30 mijë euro fluturimi. Ka shkuar me dy helikopterë.
Helikopteri Tiranë-Korçë shpenzon 15 mijë euro udhëtim.
30 mijë euro bileta e tij e mëngjesit.
U bëj thirrje qytetarëve të Korçës ta gjuajnë me domate dhe vezë kudo që ta shohim.
Vezë dhe domate, domate dhe vezë ndaj kryehajdutit!
Ky duhet të jetë qëndrimi i qytetarëve shqiptarë në çdo skaj ndaj çdo qeveritari.