Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha-Ramës: Po bllokove drejtësinë, do kesh fatin e babait tënd shpirtëror, Enver Hoxhës

Politiko 13 Janar 2026, 19:14

Berisha-Ramës: Po bllokove drejtësinë, do kesh fatin e babait

Kryetari i Partisë Demokratike, Sali Berisha, gjatë takimit të 35-vjetorit të themelimit të degës së Lezhës, akuzoi Edi Ramën se po bllokon drejtësinë për të shpëtuar veten.

Berisha: Pra, le të kthehemi tani te ky 35-vjetor.
Çfarë është ky 35-vjetor për ne?
Ky 35-vjetor është një sfidë për ne, është një sfidë e madhe për të përmbushur misionin tonë.
Miq, ne kemi dalë në fushën e betejës.
Ia kemi bërë të qartë çdo shqiptari dhe çdo njeriu të lirë në Evropë dhe në botë se armiku i vullnetit të qytetarëve shqiptarë quhet Edi Rama.
Se ai ka zero legjitimitet.
Se ai ka vjedhur mandate me të gjitha mjetet.
Se ai mbetet në pushtet si përfaqësues i karteleve më të rrezikshme të drogës në Shqipëri dhe Evropë.
Por, një gjë, që një qeveri të mbetet në pushtet pa legjitimitet, çdo ditë që mbetet, mbetet sepse opozita nuk i ka dhënë drurin që meriton.
Një qeveri jolegjitime nuk tolerohet.
Një qeveri jolegjitime rrëzohet dhe vetëm rrëzohet.
Sot, Presidenti Donald Trump u bëri thirrje iranianëve të pushtojnë institucionet e tyre sepse xhelatët e Teheranit vranë mbi 2,000 protestues paqësorë në rrugët e qyteteve të tyre.
Si është puna me ne?
Ne jemi ende një parti, besojmë në votimin e lirë, në pushtet përmes votimit të lirë dhe në mënyra paqësore.
Ne nuk përdorim dhunën dhe unë ju them këtu, jini shumë të qartë, secili prej jush këtu dhe çdo demokrat është i aftë të arrestojë 100 hajdutë të kësaj qeverie kudo që të jenë.
Një hajdut ka vetëm një ligj, unë vodha, ika, u fsheha.
Kështu janë ata, ikin si minjtë.
Mos harroni kurrë, nuk ka kriminelë më të rrezikshëm, nuk ka hajdut më të madh askund, as midis Troplinëve, as midis Çelëve dhe në asnjë klan tjetër sesa Edi Rama në qeveri, sesa Taulant Balla në krye të grupit parlamentar, sesa Lubi Balluku. Etj., etj.
Jo, jo, ata nuk kanë krahasim.
Ne duhet t'i shohim gjërat ashtu siç janë.
Çfarë bëjnë ata tani?
Ne i përmbushëm detyrimet tona, mbrojtëm votën.
Por edhe i denoncuam ditë e natë për çdo vjedhje, për çdo akt dhe për gjithçka.
Dhe po vërtetohen.
Tani po del fytyra e vërtetë e Edi Ramës dhe ai thotë se nuk i di vendimet.
Ai thotë se do ta përdor imunitetin për të mbrojtur Lubinën, për të mbrojtur Lindën e tij, Lindën e AKSHI-t dhe Lindën e Surrelit.
Ai thotë se ju, demokratë, shqiptarë, ju kam vjedhur, do t'ju vjedh dhe nuk keni idenë çfarë të bëni.
Ja ku po ju them nga Lezha, absolutisht, nëse bllokoni drejtësinë, do të keni fatin e babait tuaj shpirtëror, Enver Hoxhës.
Nëse besoni se pasi të na keni lënë të sëmurët në spitale pa ilaçe, fëmijët në shkolla pa ngrohje duke i vjedhur, pagat dhe pensionet më të ulëtat në rajon, pasi të keni ndërtuar parajsën tuaj me paratë e qytetarëve, kafshatat e tyre, dhe jeni kapur me dokumente për të gjitha këto, mendoni se do të përdorni imunitetin, do të gjeni një vrimë miu.
Ja çfarë po them, ne nuk do ta pranojmë kurrë.