Flash News

Dyshohet se është vrarë, del foto e 23-vjeçarit që u gjet i vdekur në liqenin e Shkopetit

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

Ditari i Opozitës

Berisha reagon pas ndarjes nga jeta të Papa Françeskut: E kujton si Papën e Paqes dhe Mëshirës

Politiko 21 Prill 2025, 16:00

Berisha reagon pas ndarjes nga jeta të Papa Françeskut: E kujton si

Kreu i PD-së Sali Berisha ka reaguar pas ndarjes nga jeta të Papa Françeskut, duke shprehur ngushëllime dhe vlerësim për figurën e Atit të Shenjtë. Në një mesazh të publikuar në rrjetet sociale, Berisha e cilëson Papën si “Papën e Paqes, të mëshirës hyjnore dhe njerëzore”.

Berisha kujton takimin me Papën Françesku në ditën e zgjedhjes së tij në Fronin e Shën Pjetrit, ku i ka bërë një ftesë për të vizituar Shqipërinë. Ai thekson se Papa e pranoi me përzemërsi ftesën dhe se Shqipëria ishte ndër vendet e para që vizitoi, me rastin e lumturimit të 38 martirëve të Kishës Katolike Shqiptare, të vrarë gjatë regjimit komunist.

Reagimi: 

Miq, sot besimtarët katolikë në Shqipëri dhe mbarë botën janë në zi. Ati i i Shenjtë, Papa Francesk, Papa i Paqes, i mëshirës hyjnore dhe njerëzore është ndarë nga jeta.

Bir i Argjentinës, por misonar i mbarë botës, Papa Francesku, Jorge Mario Bergoglio, ishte Papa i parë nga Amerika Latine, në një hierarki të mësuar që mëkëmbësit e Shën Pjetrit t’i kishte nga Europa.

Papa Francesku si zëdhenës i Krishtit, ringjalljen e të cilit Krishtërimi dhe bota festoi dje, ai ishte brenda natyrës së fesë; me njerëzit së pari!

Pata fatin ta takoj ditën e ngjitjes së tij në Fronin e Atit të Shenjtë dhe ta ftoj të vizitojë Shqipërinë. Në atë takim të shkurtër Papa Francesku shprehu ndjenjat më miqësore për shqiptarët dhe Shqipërinë dhe në të vërtetë Shqipëria do ishte ndër vendet e para që Shenjtëria e tij do vizitonte. Ai erdhi në Shqipëri për një ngjarje të madhe për Kombin Shqiptar dhe mbarë krishtërimin, lumturimin në një ditë të 38 martirëve të Kishës Katolike Shqiptare, të ekzekutuar nga diktatura staliniste e Enver Hoxhës.

Ikja e tij në jetën e pasosur është sot një kujtesë se burri, njeriu, mbetet në këtë jetë me veprat e veta, me mësimet, me trashëgiminë.

Liberal në një institucion konservator dhe konservator përballë establishmenteve globale ultra liberale, Papa na la një mësim të madh: burri ndjek zemrën dhe doktrinën, dhe vetëm Zoti mund ta përcaktojë ku kishte apo jo të drejtë.

Jorge Mario Bergoglio ishte një Papë i drejtë, kolos i vërtetë. Në kishën e Mëshirës ai ikën si i mëshirshëm, në botën e pështjellimit ai ikës si kthjellëti. U prehtë në paqe në mbretërinë e Krishtit! #sb

Të fundit