Flash News

Shqiptari plagoset rëndë në Greqi, niset me urgjencë drejt Athinës

Punonjësi i policisë ra nga pallati në Tiranë, AMP: Nuk ka pretendime nga efektivi për presion

Gjendet pa shenja jete 36-vjeçari në Durrës, dyshimet e para nga policia

Policia zbulon laborator dr*ge sintetike, arrestohen 13 shqiptarë në Belgjikë

Rriten lehtë temperaturat, si parashikohet moti në fundjavë

Ditari i Opozitës

Berisha: Rezoluta e IDU kërkon qeveri teknike në Shqipëri

Politiko 7 Dhjetor 2024, 13:14

Berisha: Rezoluta e IDU kërkon qeveri teknike në Shqipëri

Kreu i demokratëve Sali Berisha, në një bashkëbisedim me qytetarët në rrjete sociale, u shpreh se Unioni Ndërkombëtar i Demokracisë ka dënuar burgosjen dhe proceset politike ndaj Sali Berishës, Ilir Metës, Fatmir Mediu, Ervin Salianjit, Fredi Belerit.

Berisha u shpreh se rezolutat i kanë bërë një “autopsi” regjimit të Ramës.

Berisha: Unioni Ndërkombëtar i Demokracisë IDU, pasi dënon të gjitha këto akte, këto shfaqje, dënon burgosjen, proceset politike, ndaj liderëve dhe eksponentëve të opozitës, Sali Berishës, Ilir Metës, Fatmir Mediu, Ervin Salianjit, Fredi Belerit, kërkon që drejtësia të jetë e pavarur, se një drejtësi e kontrolluar tërësisht nga PS-ja, është një drejtësi e papranueshme në standardet ndërkombëtare.

Përveç këtyre, ky Union kërkon që në Shqipëri të krijohet një qeveri kujdestare, për një proces zgjedhor, të lirë dhe të ndërshëm.

Në një hark kohor të shkurtër, më pak se 1 muaj, komuniteti ndërkombëtar i ka dhënë një mbështetje të jashtëzakonshme PD-së dhe opozitës.

Diplomacia e PD-së dhe opozitës shqiptare është dëshmuar, si diplomacia më e suksesshme në historinë e opozitarizmit në Shqipëri.

Kurrë ndonjëherë nuk kanë ndjekur njëra pas tjetrës, tre rezoluta të cilat bëjnë autopsinë e regjimit të Edi Ramës, para të gjithë botës.

Dua të shpreh mirënjohje të thellë, ndaj miqve tanë, për reagimin e tyre të fuqishëm, kundër narkodiktaturës së Edi Ramës.

Të përgëzoj përfaqësuesit tanë, që në këto forume, me dinjitet, kompetencë, paraqitën situatën dramatike në Shqipëri. Të përgëzoj të gjithë diplomacinë në komunikim të PD-së, e cila përgatiti për muaj me kujdes dhe durim, këtë informacion dhe realizoi me sukses të plotë votimin si kurrë më parë të tre rezolutave njëra pas tjetrës që dënojnë regjimin e Tiranës dhe mbështesin opozitën në Shqipëri, mbështesin shqiptarët në betejën e tyre kundër narkoshtetit. Kjo ishte çështja e parë që unë doja ta ekspozoj.

Të fundit