Flash News

“Cënon lirinë akademike”: Rektorët kundërshtojnë projektligjin për Shkencën

Alarm për bombë pranë ambasadës serbe në Tiranë

Marrëveshja me Italinë/ Niset anija e parë me emigrantë drejt Shqipërisë

Begaj kthen për rishqyrtim në Kuvend ligjin për “Inspektimin”: Nuk ka konsultim publik

Nën akuzë për shpërdorim detyre, SPAK çon për gjykim ish-kryebashkiakun e Pogradecit

Ditari i Opozitës

Berisha shpall strategjinë e PD: Këto 9 muaj duhet të njohë vetëm sulm

Politiko 6 Shtator 2024, 20:06

Berisha shpall strategjinë e PD: Këto 9 muaj duhet të njohë

Kryedemokrati Sali Berisha ka shpallur strategjinë e PD për 9 muajt para zgjedhjeve parlamentare 2025. 

Nga mbledhja e Këshillit Kombëtar, Berisha kërkoi që fitorja e opozitës të jetë opsioni i vetëm

"Në të gjithë këtë situatë komplekse, por jo pa rrugëdalje, kemi një përgjegjësi dhe vetëm një: përgjegjësia jonë është, largimi i Edi Ramës dhe rikthimi i votës së lirë të shqiptarëve që kanë humbur pothuaj prej një dekade.

Detyrë vërtetë e vështirë, por absolutisht e realizueshme. Kjo sepse është një kauzë e drejtë, dhe një kauzë e drejtë nuk vdes kurrë.

Aktualisht, kjo është kauza e të gjitha kauzave për demokratët dhe qytetarët shqiptarë. Është kauza që bën krenarë dhe frymëzon të gjithë ata që ngrihen, e mbrojnë dhe sakrifikohen për të.

Por pas përmbysjes së diktaturës komuniste, ky është edhe misioni i ri historik më përcaktues për fatin e PD, shtetit ligjor, integrimit europian.

Natyrshëm lind pyetja: a ka forca jonë politike fuqinë për të realizuar këtë kauzë?
PD këto 9 muaj e thashë edhe njëherë duhet të kalojë nga mbrojtja në sulm, dhe secilin nga ne duhet të përsërisim dy fjalë: sulm dhe fitore.

Këto 9 muaj PD duhet të njohë vetëm sulm dhe fitore. Këto 9 muaj, secili nga ne duhet të njohë vetëm sulm, sulm dhe fitore.

Këto 9 muaj, fitorja e opozitës do të jetë opsioni ynë i vetëm, etano epitas, me të ose mbi të.

Ky do të jetë 9 muajt e ardhshëm dhe qendrimi i PD. Sulm pa kthim prapa. Vetëm me këtë qendrim ne do të fitojmë", u shpreh Berisha. 

Të fundit