Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Shqipëria, narko-shteti i parë dhe i vetëm në Europë", Berisha: Vendi është bërë një prodhues emigrantësh dhe refugjatësh

Politiko 16 Korrik 2025, 11:15

"Shqipëria, narko-shteti i parë dhe i vetëm në

Në një konferencë të organizuar nga Partia Demokratike me temë "Paradigma e Ballkanit Perëndimor dhe integrimi në BE", kreu i PD-së, Sali Berisha, lëshoi akuza të rënda ndaj qeverisë, duke deklaruar se “Shqipëria është kthyer në narko-shtetin e parë dhe të vetëm në Europë”.

Sipas Berishës, vendi ka humbur kriteret e shtetit funksional, ndërsa negociatat për anëtarësim në Bashkimin Evropian janë hapur jo për shkak të përmbushjes së standardeve, por për arsye thjesht gjeopolitike.

Ai shtoi se ekonomia shqiptare është e bazuar gjithnjë e më pak në prodhim dhe eksport, dhe gjithnjë e më shumë në para që nuk kanë burim të qartë, duke e cilësuar vendin si një “narko-ekonomi”..

Berisha theksoi se ndërtimet, që sipas Eurostat janë trefish mbi mesataren europiane, janë bërë motori kryesor i rritjes, ndërkohë që prodhimi industrial dhe bujqësor po bie vazhdimisht.

Ai ngriti alarmin edhe për eksodin masiv të shqiptarëve.

BERISHA: Shqipëria nisi negociatat e aderimit dhe mund t’u siguroj se nisi negociatat në një kohë kur nuk plotësonte asnjë kriter përveçse gjeopolitikës.
Kushdo që dëshiron të ulet, ne jemi gati t’u ofrojmë të dhënat evropiane dhe statistikat që mbështesin këtë që them.
Shqipëria i nisi negociatat kur të gjitha pushtetet, 94 përqind përqendrohen në një dorë.
Këtu mund të shikoni se ky është viti 2020, është diktatori i fundit dhe tani kjo kolonë është më e lartë.
Tani, kryeministri i Shqipërisë për habinë tuaj, që atëherë është bërë kryetar i Këshillit Kombëtar të Shkencës, është bërë kryetar i Komitetit Kombëtar të Ujërave, që atëherë, kryeministri shqiptar ka ndryshuar ligje dhe çdo ndërtesë e vetme, edhe ato njëkatëshe, duhet të nënshkruhen prej tij në mënyrë që të ekzistojnë, duke shkelur çdo parim ndërkombëtar sepse ne jemi anëtarë të Këshillit të Europës dhe ka një autonomi lokale, ka një autonomi rajonale.
Por ky është realiteti këtu.
Së dyti, kur ne nisëm negociatat, ekonomia shqiptare u zëvendësua nga narko-ekonomia.
Kush do të shohë se çfarë do të thotë narko-ekonomi, nuk ka pse të shkojë në Bolivi apo në vendet e tjera, mjafton të vijë në Shqipëri sepse është narko-shteti i parë dhe i vetëm në Europë.
Pse është narko-ekonomi?
Më lejoni të jap disa të dhëna.
Njëherë, nga fluksi narko-ekonomik, euro u zhvlerësua me 98 përqind.
Në qoftë se shikoni ekonominë tonë, çdo gjashtë muaj sipas statistikave produkti industrial bie gjithnjë e më shumë, kështu eksportet dhe prodhimi agroindustrial. Por vendi vazhdon të rritet prej 3-4 përqind. Kjo rritje vjen nga ndërtimet.
Sipas Eurostat, vendi ka indeksin më të lartë të ndërtimeve në Europë. Në Shqipëri, mesatarja është tre herë më e lartë se indeksi evropian.
Ndërtimi hap vende pune, patjetër, por eksportet hapin më shumë. Prodhimi edhe më shumë. Prodhimi bujqësor edhe më shumë. Megjithatë ato po pësojnë rënie.
Çfarë po ndodh?
Shqiptarët po ikin nga territori. Nga viti 2014 deri në vitin 2024, përsëri sipas Eurostat, 1 milion e 99 mijë shqiptarë janë larguar nga Shqipëria vetëm në zonën Shengen, pa llogaritur këtu ata të cilët janë larguar për në SHBA, Britani, Zvicër, Kanada, Australi apo Lindjen e Mesme.
Vendi është bërë një prodhues emigrantësh dhe refugjatësh.