Flash News

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Dyshohet se abuzoi se*sualisht me vajzën e tij, mbërrin në gjykatë Zamir Meta

Durrës/ Morën me forcë në automjet një 48-vjeçar dhe e dhunuan, identifikohen 4 autorët

Vazhdon zjarri në landfillin e Elbasanit

Ditari i Opozitës

Berisha: Shqipëria është në një rrokullisje që nuk e ka pasur kurrë në historinë e saj

Politiko 31 Mars 2023, 20:09

Berisha: Shqipëria është në një rrokullisje që nuk

Kryedemokrati, Sali Berisha ka prezantuar zyrtarisht sot kandidatin e koalicionit “Bashkë Fitojmë” për Bashkinë Vau Dejës,  Zef Hila.

 Në fjalën që mbajti, Berisha u ndal në disa nga problematikat me të cilat përballen shqiptarët gjatë viteve të fundit.

Sipas Berishës, Shqipëria është në një rrokullisje që nuk e ka pasur kurrë në historinë e saj, ndaj sipas tij në 14 maj shqiptarët kanë në dorë mundësinë për të votuar ndryshimin.

Berisha: Sot ka një varfëri të frikshme. Shtrëngica ekonomike të frikshme. Po pse është e frikshme, sepse vjen gjithnjë në rritje. Ne kemi qenë të varfër, nuk kemi qenë komb i mëkëmbur, por nga viti 1992 në vitin 2008, ne ja dolëm të ngrihemi nga niveli i kombeve me të ardhura të ulëta, me 200 dollarë për frymë në 1992, në nivelin e kombeve me të ardhura të mesme të larta në 2008.

Çfarë ndodh sot? Nga 2014 gjer në vitin 2022 nga Vau u Dejës kanë ikur 35% e banorëve. Nga Shkodra 35 % e banorëve, nga Vlora 38% e banorëve, nga Shqipëria 35% e banorëve, pra jemi pakësuar me 1/3. Dramatike, kjo është katastrofë. Asnjë komb, kurrë nuk ka humbur në 8 vite 1/3 e popullatës së vet.

Ne në luftën e parë botërore, kemi përjetuar pushtime nga 6 fuqi të huaja nga jugu në veri, dhe jemi pakësuar sipas statistikave më të besueshme, 10 gjer në 20 %. Kurse tani, largim masiv, dhe imagjinoni për një moment në rast se vazhdohet me këtë mënyrë. 8 vitet e ardhshme po kaq dhe pas 16 viteve kush do të mbetet në Shqipëri, sa do të mbeten në Shqipëri.

Shqipëria pra është në një rrokullisje që nuk e ka pasur kurrë në historinë e saj. A është kjo një apel që vjen nga thellësitë e kësaj toke dhe kur them thellësitë e kësaj toke, kam parasysh thellësitë e çdo shqiptari, zemrës së çdo shqiptari, që ka dashurinë me minimale për këtë vend, që jeton apo nuk jeton këtu. Të bëjmë gjithçka për të ndryshuar këtë gjendje, të bëjmë gjithçka për të ndryshuar këtë situatë dhe kjo është në dorën tonë.

Me 14 maj ne kemi votën tonë për të votuar ndryshimin, për të votuar shpresën, për të votuar besimin, për të votuar për vete, fëmijët, për të gjithë ata që janë larguar nga Shqipëria, për të votuar të ardhmen në këtë vend.

 

Të fundit