Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Berisha: Sikur Shqipëria të kishte gojë, vetëm një kërkesë do kishte ndaj nesh

Politiko 29 Mars 2023, 18:16

Berisha: Sikur Shqipëria të kishte gojë, vetëm një

Kryetari i Partisë Demokratike, Sali Berisha prezantoi sot kandidatin e koalicionit “Bashkë Fitojmë” për Bashkinë Cërrik, Servet Duzha.

Në fjalën që mbajti, Berisha u ndal te një sërë problematikash me të cilat ndeshen prej vitesh shqiptarët, si pasojë e qeverisë ‘Rama’, sipas tij.

Berisha tha se një nga fenomenet më shqetësuese është largimi nga vendi dhe shkak për këtë është bërë vjedhja e parave të tyre.  

“Lufta që ka dëmtuar më shumë shqiptarët, ka qenë lufta e parë botërore dhe luftërat ballkanike që e shoqëruan. 7 fuqi të huaja kanë shkelur në trojet tona, 10 e popullatës u pakësua, u zhduk apo u largua. Kurse në këto 8 vite, asnjë fuqi e huaj nuk ka shkelë në këtë tokë dhe nga ky regjim është larguar 35%  e popullatës. Secili nga ne ka 1/3 e njerëzve të tij të dashur më pak në Shqipëri. Kështu i ka edhe shoqëria shqiptare.

Çfarë ndodhi? Duhet të ja shtrojmë këtë pyetje vetes, duhet të ndalemi. Sikur Shqipëria të kishte gojë, vetëm këtë kërkesë do shtronte ndaj nesh; Pyesni njëherë pse ikin në këtë mënyrë shqiptarët?

Shqiptarët po ikin sepse buxheti i tyre, pasuritë e tyre janë shndërruar në një mallkim për ta. Se Shqipëria, Cërriku, nga një vend i bekuar janë shndërruar në një vend të mallkuar. Po, qytetarët shqiptarë duhet ta dinë se ata janë njerëzit më të vjedhur në Europë dhe botë sot”, tha Berisha nga Cërriku.

Të fundit