Berisha thirrje diasporës: Regjistrohuni për të votuar, çdo votë e juaja është votë për rotacionin, ndryshimin dhe shpëtimin e Shqipërisë

Kryedemokrat Sali Berisha, gjatë fjalimit të tij në mbledhjen e Kryesisë është ndalur në mënyrë të veçantë tek diaspora.

 “U bëj thirrje të gjithë emigrantëve, të gjithë diasporës të gjuajnë me vezë dhe domate të gjithë këta hajdutë që me vjedhjet e tyre, janë shkaku i largimeve nga Shqipëria”, tha kreu demokrat.

Berisha: Rikthehemi tani tek emigracioni dhe diaspora. Ne kemi ngarkuar zonjën Jozefina Topalli koordinatore kombëtare për emigracionin dhe diasporën. Por tani ne kalojmë në një proces decentralizimi maksimal.

Çfarë do të thotë kjo? Çdo drejtues, çdo deputet, çdo anëtar i kryesisë dhe Këshillit Kombëtar duihet të shfrytëzojë çdo lidhje, çdo potencial për takime në emigracion dhe diasporë.

Ne nuk e bazojmë në takime pompoze, 200 mijë euro, 130 mijë eurosh, siç bëjnë ata. Ne do të ndjekim procesin me një mori të pafundme takimesh kudo që të jenë ata.

Por ky proces, rrënja, themelet e tij janë në Shqipëri. Kjo kërkon që ne duhet ti identifikojmë, të bëjmë listën e çdo qytetari dhe qytetareje në diasporë që ka të drejtë vote.

Kjo kërkon që ne të shkojmë ti takojmë, me grupe të vogla, grupe më të mëdha.

Realisht ka një mënyrë për të bërë pluhur këtë shtet elektoral, kriminal dhe leva e Arkimedit për këtë emigracioni dhe diaspora.

Ju e shihni, Edi Rama çdo ditë e bazon fushatën në krimin e shtetit elektoral. Kryetarët e bashkisë kanë marrë urdhër që të mbyllin bashkitë dhe të dalin në emigracion dhe diasporë.

U bëj thirrje të gjithë emigrantëve, të gjithë diasporës të gjuajnë me vezë dhe domate të gjithë këta hajdutë që me vjedhjet e tyre, janë shkaku i largimeve nga Shqipëria.

I përgëzoj dhe i përshëndes ata që po braktisin sallat e tyre, por nuk mjafton braktisja e sallës.

Mos harroni se ishin demokratët ata që rrethuan Edi Ramën në metropolin e botës dhe e futën nga dera e kuzhinës. U detyrua të futej në sallë nga dera e kuzhinës. Po, gjë që si ka ndodhur ndonjëherë një kryeministri të një vendi të lirë, kurrë. Vetëm diktatorëve, të tjerët në Londër i dëshmuan se kush është.

Pra emigracioni dhe diaspora ka shumë mënyra për të ndëshkuar këta hajdutë, që duan të mashtrojnë me paratë e tyre, e prindërve të tyre, e familjarëve të tyre.

Ndaj dhe zotëri drejtues të qarqeve dhe anëtarë të kryesisë së PD, deputetë. Është e domosdoshme të kalohet në veprime energjike, konkrete dhe të shpejta.

Ju bëj thirrje të gjithë emigrantëve dhe diasporës, të regjistrohen në platformën e Komisionit Qendror të Zgjedhjeve.

Është e vërtetë që ka vështirësi, pse e tek, auditi ynë, një grup i yni po bën auditin e platformës dhe me shpejtësi do të na informojë se ku qëndrojnë problemet.

Por përsëri, thirrja ime është mos e humbni durimin. Aplikoni 2, 3 herë deri sa të regjistroheni.

Çdo votë e juaja është votë për rotacionin, votë për ndryshimin, votë për shpëtimin e Shqipërisë.

Përveç kësaj, PD ka hapur portalin e saj në të cilën cilido që kërkon të mësojë më shumë, për procedurën e regjistrimit, regjistron emrin aty dhe në mënyrë automatike merr të dhëna të sakta, të plota se çfarë procedure duhet të ndjekë, për tu regjistruar në KQZ.

Është jashtëzakonisht e rëndësishme. I garantoj se të dhënat e tyre, kanë garanci absolute në këtë faqe dhe se kjo shkurton rrugën me instruktazhin që merr për regjistrimin në KQZ.

Edhe njëherë asnjë të mos humbasë durimin. Platforma e KQZ-së mund të ketë defektet e veta, ato do të përmirësohen. Auditi teknik së shpejti do të dalë me konkluzione për të gjetur ku janë problematik dhe për ti korrigjuar sa më shpejt.

Nuk mundet kurrsesi që ai portal të mos ketë funksionimin më të mirë të mundshëm.

Unë këto kisha.