Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha thirrje KE-së: Imponojini qeverisë shqiptare të përdorë standardet evropiane në koncesione

Politiko 15 Shtator 2022, 14:30

Berisha thirrje KE-së: Imponojini qeverisë shqiptare të

Kreu i Partisë Demokratike Sali Berisha i bëri thirrje Komisionit Evropian nga Kuvendi, të kushtëzojë çdo qindarkë që i jepet Shqipërisë dhe që përdoret për koncesione.

Berisha tha se Bashkimi Evropian jep ndihma, por qeveria i vjedh dhe i përdor për projekte të tjera që janë dhjetë herë më të mëdha se ato që ka planifikuar BE-ja. Berisha i kërkoi KE-së t’ia imponojë qeverisë shqiptare zbatimin e projekteve evropiane.

“Shfrytëzoj këtë rast që t’i shpreh mirënjohjen e thellë, Komisionin Europian, dhënë shqiptarëve në rrugën e ndërtimit të demokracisë dhe ekonomisë së tregut. Mirënjohja e thellë shkon për taksapaguesit e vendeve anëtare. Sigurisht që do ta miratojmë këtë marrëveshje me mirënjohja, por e ftoj Komisionin Europian, i kërkoj Komisionit, të kushtëzojë përfundimisht çdo qindarkë të tij derisa të jetë kjo qeveri me kushtet që vijojnë:

Së pari, të kushtëzojë disbursimin e ndihmave me detyrimin e Shqipërisë për të përdorur standartet europiane në prokurimet publike, në konçensione dhe në Partneritetin Publik Privat. Kjo është të kushtëzojë me ndalimin në Shqipëri të tenderave sekretë që janë rritur me 20 herë!

Të kushtëzojë me detyrimin e kësaj qeverie që vjedh nga mëngjesi deri në darkë, të përdorimit të manualit të BE në ndërtimet publike,sepse sot ç’po ndodh?!  Është e vërtetë që ju po jepni dhe po kontrolloni në njëfarë mënyre, implementimin e projekteve tuaja, por me projekte të tjera dhjetëra herë më të mëdha kjo qeveri po vjedh qytetarët shqiptarë.  Ndaj të marrin fund tenderat sekretë! Impononi, qeverisë shqiptarë të përdorë manualin e ndërtimit të BE-së, sepse Shqipëria është vendi me kostot më të mëdha në planet të ndërtimeve publike”, tha Berisha.

Të fundit