Flash News

Vrasja në Fier, autorët dyshohet se kanë ikur drejt Vlorës

Ekzekutohet 41-vjeçari në Fier, identifikohen autorët

Vranë 15-vjeçarin në Gramsh, shtyhet seanca gjyqësore e katër të miturve

735.9 miliardë lekë u miratuan për 7 minuta, çfarë parashikon buxheti 2024?

PS miraton në 7 minuta seancë Buxhetin 2024

Ditari i Opozitës

Berisha thirrje ndërkombëtarëve: Përjashtoni menjëherë Rusisë nga Këshilli i Sigurimit

Politiko 30 Shtator 2022, 12:29

Berisha thirrje ndërkombëtarëve: Përjashtoni

Kryetari i Partisë Demokratike, Sali Berisha, i bëri thirrje komuniteteve ndërkombëtare të përjashtojnë menjëherë Rusinë nga Këshilli i Sigurimit.

Në konferencën e përjavshme me gazetarët, Berisha tha se Partia Demokratike nuk do të njohë vendimin e Vladimir Putin për aneksimin e 4 rajoneve ukrainase. Ai e cilësoi Putinin një dikaktor teksa kërkoi që të ndëshkohet për dhunimin e ligjit ndërkombëtar.

“Diktatori Vladimir Putin ka vendosur të shpallë sot aneksimin pas agresionit barbar të katër provincave të një vendi të pavarur, të Ukrainës.

Ky përbën një akt jashtëzakonisht të rëndë. Përbën një dhunim, siç shprehet edhe Sekretari i Përgjithshëm i OKB, të Kartës së OKB-së.

Në përputhje me Traktatin e Budapestit, Rusia, një nga firmëtaret e këtij dokumenti, zotohej se do garantonte së bashku me palët e tjera, paprekshmërinë e kufijve të Ukrainës, e cila në kundër-vlerë, do dorëzonte të gjitha mbushjet bërthamore me të cilat ajo ishte vendi i tretë në botë për fuqinë nukleare.

PD deklaron se nuk do të njohë kurrë këtë vendim të Rusisë, nesër në pushtet, dhe i bën thirrje komunitetit ndërkombëtar të dëgjojë zërin e presidentit Zelensky, ta përjashtojë Rusinë nga Këshilli i Sigurimit.

Shkelja që ky diktator i bën Kartës së OKB, e bën të domosdoshme largimin e menjëhershëm të tij nga Këshilli i Sigurimit. Si hap i parë, për t’i dhënë pastaj një seri masash të tjera. Natyrisht krahinat e aneksuara, siç deklaroi edhe presidenti Biden, kurrë nuk do i njihen. Por kjo nuk mjafton. Ai duhet të ndëshkohet në mënyrë shembullore, botërisht për këtë akt në dhunim flagrant të ligjit ndërkombëtar”, tha Berisha.

Të fundit