Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Zyrtarët dërgojnë emisarë për të blerë dhe fshirë dokumente në dosjet e SPAK

Politiko 30 Tetor 2025, 20:51

Berisha: Zyrtarët dërgojnë emisarë për të

Kryetari i Partisë Demokratike, Sali Berisha, ka akuzuar zyrtarë të lartë shtetërorë se dërgojnë emisarë për të ndërhyrë në dosjet e Prokurorisë së Posaçme (SPAK), me qëllim fshirjen apo blerjen e dokumenteve që i implikojnë në afera korruptive.

Gjatë fjalës së tij në Kuvend, Berisha deklaroi se “reforma në drejtësi” ka prodhuar efektin e kundërt të asaj që ishte premtuar, duke shtuar korrupsionin dhe duke i shtyrë qytetarët drejt vetëgjyqësisë.

Berisha: Në këtë kontekst duke vlerësuar të gjitha qëndrimet e Avokatit të Popullit dhe mirëkuptuar plotësisht se, është në fushë pamundësie që ajo t’u lexojë ligjin njerëzve që nuk kanë ligj dhe moral, por përsëri ky institucion duhet të bëhet zëdhënës i fuqishëm në Evropë dhe në botë i kësaj gjendjeje dramatike të qytetarëve shqiptarë që ju mungon e drejta e procesit ligjor.

E kësaj reforme që i shtyu qytetarët shqiptarë drejt vetëgjyqësisë njëlloj sikur të mos kishin shtet. I kësaj situate ju garantoj unë ju, që ka 3-5 fishuar korrupsionin. A e dini ju ç’bëhet apo jo. Për të afruar sadopak një çështje, duhet të shesësh shtëpi dhe katandi. A e dini ju se si, këta zyrtarë dërgojnë emisarët e tyre të zinj dhe blejnë, heqin dokumente nga dosjet në Skap për ti bërë dosjet sterile. Kjo është arsyeja pse vonohen.

A e dini ju që Task Forca e luftës kundër korrupsionit në vitet 2007-2008, lexoni raportet e DASH të vitit 2008-2009, ajo Task Force arriti me paditë e saj të dënohen nga gjykatat, jo specialet, nuk kishte speciale, nga të zakonshmet 630 punonjës.

Merrni raportet, do vij të ua lexoj këtu në parlament, në një kohë kur raportet në 2 vite kanë dënuar gjithsej 199 zyrtarë për krime dhe korrupsion. Po pse? Se bëjnë pazare, se shesin dokumente, bëjnë pazare të turpshëm të dokumentuar. Gjendja e të drejtave të njeriut është katastrofale.

Të fundit