Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Besëprerë", Basha komenton deklaratën e ish-kryeministrit: Të vetmen besë me Sali Berishën e lidha kur isha 17 vjeç

Politiko 14 Nëntor 2021, 18:49

"Besëprerë", Basha komenton deklaratën e

 

Basha ka folur për "besën e prerë" për të cilën Berisha foli, duke iu referuar kryedemokratit.

Në një postim në profilin e tij në Facebook, Basha thotë se e vetmja besë që ka lidhur me Sali Berishën është ajo kur ka qenë 17 vjeç, për angazhimin e tij pa asnjë kusht për demokracinë, për Partinë Demokratike, për demokratët dhe për Shqipërinë.

Sipas kreut të Partisë Demokratike, kurrë nuk ka pasur marrëveshje e as besë mes tij dhe Sali Berishës, që të shkelmonim sakrificën e demokratëve, apo për të mbrojtur njëri-tjetrin nëse cënoheshin interesat personale.

“Të vetmen besë që kam lidhur me Sali Berishën, që ditën e parë që i kemi dhënë dorën njëri-tjetrit kur kam qenë vetëm 17 vjeç, ishte për angazhimin dhe përkushtimin tim pa asnjë kusht për demokracinë, për Partinë Demokratike, për demokratët, për Shqipërinë. E njëjta besë ka qenë edhe në 2005, kur u angazhova me gjithë forcat e mia për fitoren e Partisë Demokratike, e më pas për përmbushjen e projekteve që ndryshuan njëherë e përgjithmonë Shqipërinë, të cilat i rikthyen dinjitetin shqiptarëve. Kurrë nuk ka pasur marrëveshje e as besë mes meje dhe Sali Berishës, që të shkelmonim sakrificën e demokratëve, për të mbrojtur njëri-tjetrin nëse cënoheshin interesat personale. Që pas 9 shtatorit gjithkush është shtangur nga etiketimet që Sali Berisha ka bërë ndaj meje. Natyrisht unë nuk kam ndërmend të shkel mbi vitet e bashkëpunimit me të, në të mirë të shqiptarëve dhe Shqipërisë. Besa ime është për ta dhe për çdo demokrat, siç ka qenë ditën e parë”, shkruan Basha.

Të fundit