Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Besnik Mustafaj flet për emrat e njohur në PD që u skualifikuan nga Komisioni i Vlerësimit: Halim Kosova i dërgoi mesazh Bashës

Politiko 23 Tetor 2020, 17:21

Besnik Mustafaj flet për emrat e njohur në PD që u skualifikuan

Dje, Komisioni i vlerësimit të Kandidatëve pranë PD-së përmbylli procesin për përzgjedhjen e kandidatëve për deputetë në zgjedhjet e 25 prillit.

Anëtari i Komisioni të Vlerësimit të Kandidatëve pranë PD-së, Besnik Mustafaj tregon dy vështirësitë që ka ndeshur bashkë me kolegët e tjerë të komisionit në përzgjedhjen e kandidatëve.

I ftuar në ‘Opinion’ në ‘News 24’, Mustafaj thotë se ka qenë një proces me integritet dhe problemi më i madh që kanë ndeshur ka qenë koha dhe se kanë qenë të detyruar të përzgjedhin emra të propozuar dhe jo të shtojnë emra.

“Ka qenë një proces me integritet pasi as nga kolegët e mi nuk kemi pasë asnjë presion nga lidershipi i partisë. Ka pasë dy kufizime, e para koha, pasi të gjykosh 3600 kandidatura, të gjitha potenciale, pasi ishte edhe për drejtues të pushtetit vendorë, përfaqësues politikë, në dy muaj një numër të madh kandidatësh potenciale mbetet një barrë që nuk e përjashton gabimin, por është i pafajshëm.

Gjatë kësaj kohe qe ka qenë punë disa orëshe në mbledhje dhe më pas në shtëpi. Jam udhëheq vetëm nga parimi që nuk jemi për ti hap rrugën e karrierës dikujt, por për të patur listë sa më përfaqësuese të PD.

E dyta kemi qenë të detyruar të zgjedhin mes emrave të propozuar, jo të shtojmë emra. Cilësitë e listave janë të ndryshme sepse të tilla janë propozimet. Përtej këtyre dy vështirësive, u hodhën themelet e një traditë që ne legjislaturën tjetër do jetë më e përsosur.

Në 80% të listës lidershipi i partisë, unë isha ndër kritikët e listës së 2017, ai ka influencë zero”, thotë Mustafaj.

I pyetur mbi emrat e njohur të përfolur si të skualifikuar nga listat e PD, si Ervin Salianji, Endri Hasa, apo Halim Kosova, Mustafaj thotë se ky i fundit është tërhequr vetë.

“Zoti Halim Kosova është tërhequr vetë nga konkurrimit me një mesazh dërguar kreut të partisë, kështu që nuk hyn në seleksionimin tonë.

Në fazën e fundit, ish deputetë dhe anëtarët e kryesisë iu nënshtruan vlerësimit njësoj si çdo i propozuar tjetër. Në këtë rast, nëse për listën tjetër në shumicën e kohës kemi avancuar pas debatesh me konsensus, në rastin e anëtarëve të kryesisë së PD dhe ish deputetëve, veç debatit duke dhënë secili pikëpamjen e vet, kemi bërë votim të fshehtë. Kush merrte tre vota kundër, përjashtohej”, tha Mustafaj.

80% e emrave përfundimtarë do të vijnë nga lista me 326 emra që skualifikoi komisioni dhe 20% i zgjedh kryetari dhe kryesia.